Kur bashkohet pasioni, vullneti dhe vlerat më të mira shqiptare mund të realizohen endrrat kudo dhe nga kushdo. Rezultat i një suksesi të tillë është edhe restoranti “Duomo 51” me tre ortakë shqiptarë në New York. Zamir Gashi, Mariglen Dine dhe Alban Jakupaj prej një viti kanë një destinacion për ti ofruar klientëve që duan kuzhinën italiane dhe jo vetëm, nën kujdesin dhe përsosmërinë e chef Vilfrid Hodoj. Probizz.al intervistoi njërin prej ortakëve, Mariglen Dine, i cili përveç se rrëfen përvojën unike të shërbimit gastronomik në “Duomo 51”, gjithashtu zbulon që projekti i tyre i radhës është hapja e një hoteli dhe restoranti në Shqipëri.
Kur nisi të projektohej Duomo 51 dhe pse zgjodhët një emër në italisht kur ndodhet në NEW YORK dhe me tre ortakë shqiptarë?
Jo me larg se 1 vit nisi Projekti i quajtur “Duomo 51” është një kombinim i dy elementëve të ndryshëm në emër. “Duomo” është një term i përdorur tradicionalisht në Itali për të përshkruar katedralet e mëdha në qytetet e ndryshme të Italisë dhe duke qenë se kuzhina është italiane dhe duke qenë se në New York restoranti ka pamje nga katedralja e St Patric u vendos Duomo .
“51” është një numër i përdorur për të përmendur rrugen e saktë në New York, rruga 51.
Sa e vështirë ishte që restoranti të pozicionohej si një ndër më të mirët në New York?
Në New York është një sfidë e madhe pasi është një qytet i madh me konkurencë të lartë në industrinë e ushqimit. Por në qofte se përkushtohesh mund të arrish aty ku duhet. Gjithashtu është e nevojshme një kombinim i vlerave të mira të gastronomisë, shërbimit të shkëlqyeshëm, menaxhimit të mirë të biznesit dhe një strategjie të ndërthurur të marketingut.
Së fundmi është përzgjedhur edhe nga revista prestigjoze Forbes? Çfarë mendoni se është vleresuar më shumë në restorant, kulinaria, risitë, shërbimi etc ?
Mikëpritja që ne shqiptarëve na karakterizon është një ndër faktorët më kryesorë. Por gjithashtu dhe kulinaria një eksperiencë e jashtëzakonshme me krijimtarinë në gatim dhe prezantimin që chef ynë Vilfrid Hodoj di të bëjë më së miri. Shërbimi shumë i rëndësishëm, ambienti dhe dizajni. Një kombinim i të gjitha këtyre elementeve është ai që krijon një përvojë të jashtëzakonshme në një restorant të vlerësuar nga Forbes dhe revista të tjera të ngjashme.
Me tre shqiptarë që drejtojnë biznesin, çfarë ka shqiptare në biznesin tuaj?
Shqiptare në “Duomo51” ka mikpritjen dhe stafin që ne jemi shumë krenar që i kemi.
Sa e ka ndihmuar vendndodhja e tij (gradaçieli 25 West në 51 St. mes rrugës 5 Ave & 6 Ave) restorantin që të frekuentohej kaq shumë?
Vendndodhja e DUOMO51 është një faktor i rëndësishëm, një vendndodhje shumë e mirë në qendrën e Manhattanit në New York City, një zonë me shumë aktivitete dhe turistë.
Duke qenë se jemi ngjitur me Rockefeller, Radio City, dhe St. Patric Cathedral që ndodhen në Qendrën e Manhattanit, një ndër destinacionet më të vizituara në botë. Kjo vendndodhje krijon lehtësi për turistët që vizitojnë qytetin dhe janë të gatshëm të shpenzojnë për një darkë të veçantë. Përveç turistëve, një restorant me këtë vendndodhje ka potencialin të tërheqë klientët vendas dhe punonjësit e bizneseve në zonën rreth tij për drekën ose darkën.
Në zonën e Duomo51, mund të ketë shumë alternativa të tjera, por edhe konkurrencë të lartë. Kjo bën që çdo restorant të mbajë një standard të lartë për të tërhequr dhe ruajtur klientët.
Megjithatë, është gjithashtu thelbësore që cilësia e ushqimit, shërbimit dhe përvoja e klientëve të mbeten të larta për të siguruar suksesin afatgjatë.
A keni në plan një zgjerim të DUOMO 51 në qytete të tjera amerikane?
Objektivi i radhës është hapja e një hoteli dhe restoranti në Shqipëri për të ofruar një përvojë unike të akomodimit dhe shërbimit gastronomik në vendin me të mrekullueshëm te shtrenjtën tonë, Shqipëri.
Kemi synimin të krijojmë një destinacion tërheqës për turistët vendas dhe të huaj, duke përdorur bukuritë natyrore të Shqipërisë dhe duke prezantuar kulturën, kuzhinën dhe traditat e vendit në mënyrë autentike. Dëshirojmë që këta klientë të ndjehen të përkujdesur dhe tërhequr nga shërbimi i shkëlqyer, kujdesi ndaj detajeve dhe një atmosferë miqësore dhe relaksuese. Përmes këtij objektivi, synojmë të kontribuojmë në zhvillimin e turizmit në Shqipëri dhe të ndihmojmë në promovimin e bukurive dhe potencialeve të këtij vendi unik.
Mariglen Dine | Manager
Duomo51 Restaurant Rooftop New York Midtown – 5thAvenue
25 W. 51st Street 7floor, New York, NY 10019
Direct: 1 (917) 572 1368
Info@duomo51.com
https://duomo51.com/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
