Marilda Salla, ideatore e Erudite Academy Albania, pedagoge dhe njëkohësisht përfaqësuese e Shqipërisë në G100 si Albania Country Chair – Impact Startups solli këtë ide biznesi pas një sërë eksperiencash në edukim, trajnim dhe menaxhim të burimeve njerëzore. Pas pjesëmarrjes në projektin e We Grow për zhvillimin e ideve inovatore të femrave në fund të 2022, Erudite filloi aktivitetin normal në Prill te 2023 duke fituar vëmendjen e shumë të rinjve në kërkim të zhvillimit të tyre personal e profesional.
Erudite është një ‘komunitet’ që tenton të gjejë zgjidhje për dy shtylla kryesore: Biznese dhe profesioniste të rinj/studentë. Nga një anë janë të rinj dhe profesionistë që e kanë të vështire të gjejnë një orientim në karrierë, dhe nga ana tjetër kemi biznese që po përballen me fenomenin e mungesës së fuqisë punëtore apo profesionistëve për të plotësuar vendet vakante. Bazuar në këtë fenomen Erudite ka krijuar një network mundësish ku secili do ketë kohë të dedikuar, promovim, trajnim dhe mbi të gjitha punësim. Për të gjithë të interesuarit është krijuar një database me aftesitë, fushat e tyre të eskpertizës dhe mënyren si mund të asistohen në bashkëpunim me bizneset partnere brenda Shqipërisë, por jo vetëm pasi shumë shpejt do të jetë edhe në rang ndërkombëtar.
Përpos ndërmjetësimit të punësimit Erudite ofron dy trajnime bazë që lidhen ngushtë me formimin akademik dhe profesional. Programet janë mbi orientimin e karrieres, ku të rinjtë marrin të gjithë informacionin që u nevojitet për të qenë gati për tregun e punës dhe nga ana tjetër trajnimin mbi të Folurit në Publik. Për këtë të fundit u zhvillua eventi i pare zyrtar në 30 Maj të këtij viti ku përpos referuesve të trajnuar, ndanë eksperiencën e tyre si të ftuar specialë menaxherja operacionale e TIMAK Manjola Kasneci dhe themeluesi i GEN Albania Ergest Nako.
Në event pati një pjesëmarrje të larmishme si studentë, freelancers, njerëz nga bota e biznesit por edhe investitorë të huaj të cilët paten mundësinë të ndërvepronin me pjesën tjetër të audiencës.
Së fundmi, Erudite ka publikuar edhe datën e eventit të ardhshëm i cili do të mbahet në 28 Tetor 2023, duke rihapur mundësinë që të rinj të tjerë të bëhen pjesë e një eskperience fantastike.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
