Shqipëria regjistron numra të lartë të turistëve që vizitojnë vendin. Kjo është konfirmuar nga INSTAT, e cila në raportin e strukturave të akomodimit për muajin Maj të këtij viti, regjistron një rritje prej 38% të vizitorëve krahasuar me të njëjtën periudhë të vitit të kaluar.
Shqipëria ka 52% më shumë vizitorë se vitin e kaluar nga të gjithë bota që kanë zgjedhur Shqipërinë për të kaluar pushimet e verës. Vetëm për muajin Maj të këtij viti u regjistruan gjithsej afër 110,000 vizitorë të huaj, që përfaqësojnë 70% të numrit total të pushuesve, prej të cilëve 30% ishin nga e gjithë bota.
Ata kanë zgjedhur destinacionet në jug dhe në bregdet, të cilat kanë rritur masivisht numrin krahasuar me vitin e kaluar me 98.5%.
Lexo edhe:Veliaj prezanton nismën e re: Tani mund të vizitosh Tiranën me OpenBus Albania
Edhe numri i pushuesve shqiptarë është rritur me gati 20%, të cilët vazhdojnë të kalojnë pushimet e tyre në Shqipëri.
Risia për këtë vit janë hapësirat për kamping, çadra dhe karavanët, të cilat nga 108 vizitorë në Maj të vitit të kaluar, kanë rritur me 3032 vizitorë në total këtë vit. Ky inovacion shënon një trend të ri për strukturat e akomodimit të vendit, duke shënuar një kërkesë relativisht të re në treg, të ndryshme nga kërkesa tradicionale.
Festivalet e ndryshme në bregdet kanë nxitur këtë trend të pushimeve, veçanërisht nga të rinjtë që zgjedhin të qëndrojnë në çadra dhe kampingu për një përvojë të ndryshme dhe ekonomike.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
