Nëse nuk jeni aq të suksesshëm sa do të dëshironit të ishit, ndoshta nuk jeni aq të lumtur sa do të dëshironit të jeni: Suksesi, sido që të zgjidhni ta përkufizoni, ecën dorë për dore me lumturinë.
Kapërcimi i hendekut nga ku jeni sot drejt aty ku dëshironi të jeni një ditë mund të jetë një udhëtim tepër i vështirë. Sidomos nëse e gjeni veten të mbërthyer në vend numëro dhe po luftoni vetëm për të gjetur një qëllim ose pasion vërtet të kënaqshëm.
Oprah e di se si ta çojë çdo takim në fillimin e duhur. Di si t’i bëjë njerëzit të ndihen të veçantë dhe se cilat ura të kalojë dhe cilat të djegë.
Por iu desh kohë dhe disa hapa të gabuar, që ajo të zbulonte qëllimin e vërtetë të shfaqjes së saj — dhe, si rrjedhojë, qëllimin e vërtetë të jetës së saj.
Në vitin 1998, Oprah ftoi disa supremacistë të bardhë në emisionin e saj. Qëllimi ishte të sfidonte pikëpamjet e tyre dhe të zbulonte intolerancën e tyre. Ajo mendoi se do t’i ekspozonte dhe e bëri — por gjatë shfaqjes ajo gjithashtu kuptoi se ata po e përdornin shfaqjen e saj për t’u ekspozuar, që do t’i ndihmonte ata të rekrutonin anëtarë të rinj në organizatat e tyre.
Ajo mendoi se po i përdorte ato për të çuar përpara një kauzë, por ata po e përdornin atë për të njëjtin qëllim.
“Pas atij emisioni,” thotë Oprah, “shkova te producentët e mi dhe thashë: “Nuk do të bëj kurrë një shfaqje tjetër të tillë”.
Disa javë më vonë, një episod i emisionit të saj u fokusua në tradhtinë martesore. Ndërsa ishte në skenë me gruan dhe të dashurën e tij, bashkëshorti tradhtar u tha të gjithëve se e dashura e tij ishte shtatzënë.
Lexo: Tre sekrete lidershipi nga fituesit e çmimit Nobel
“Ne të gjithë gulçuam, sepse sigurisht nuk e dinim se çfarë po ndodhte,” thotë Oprah. “Kam parë fytyrën e gruas së tij dhe po ju them, lëndimin, turpin dhe poshtërimin që pashë në fytyrën e saj. Deri më sot, nuk e kam harruar kurrë. U thashë producentëve të mi: “Kurrë më askush nuk do të jetë i turpëruar ose i poshtëruar në orën time televizive.”
Këto dy incidente bënë që Oprah të rimendonte qasjen e saj ndaj shfaqjes.
“Ne do të synojmë qëllimisht të jemi një forcë e dobishme për mirë” i tha ajo ekipit të saj, “dhe pyetja “Si t’i shërbejmë më mirë shikuesit tonë” është prapa dhe përpara çdo rezervimi të vetëm që nga ajo ditë”.
Ajo thotë: “Ajo ishte kur shfaqja mori hov. Nuk ishte më vetëm një hit, por u bë një fenomen.”
Suksesi i shfaqjes ishte i rëndësishëm, por po aq e rëndësishëm ishte edhe ndjenja e saj e suksesit personal. Në çdo masë, organizimi i një emisioni hit ishte “sukses”. Kështu ishte shijimi i vlerësimeve masive, sindikata e përhapur dhe fitimi i papritur financiar që rezultoi.
Por, gjetja e qëllimit dhe pasionit të saj të vërtetë, duke përdorur platformën e saj për të qenë një shërbim — kjo është ajo që Oprah thotë se e bëri atë të ndihej e kënaqur. E përmbushur dhe vërtet e suksesshme.
Përfundimi? Sipas Oprah:
Mos u shqetësoni për të qenë “të suksesshëm”. Përpiquni për vlersimin më të vërtetë, më të lartë të vetvetes … dhe më pas përdorni atë vlerësim në shërbim të botës. Nëse paradigma me të cilën e shihni botën është: “Si mund të shërbej me talentin tim? Si mund të ndihmoj në shërbim?”, atëherë ju garantoj, pavarësisht nga talenti apo oferta juaj, do të jeni të suksesshëm.
Në vend që të përcaktoni suksesin vetëm me disa vija përfundimi — numrat, titujt e punës, shtëpitë, makinat, ose niveli i profilit publik — merrni parasysh përkufizimin tuaj të suksesit, nëse do të arrini të bëni një punë që, qoftë edhe herë pas here, ju lejon të ndiheni sikur keni bërë një ndryshim të vërtetë në jetën e njerëzve të tjerë.
Kjo është forma e vetme e suksesit që nuk vjetërohet kurrë.
Për më tepër nuk mund të hiqet kurrë nga ju.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
