Inflacioni në Eurozonë ka prekur rekord të ri në tetor, duke arritur në 10.7 për qind, në krahasim me një vit më parë.
Sipas Zyrës së Bashkimit Evropian për Statistika, Eurostat, ekonomistët prisnin që shkalla e inflacionit të arrinte 10.3 për qind.
Inflacioni në tetor është më i larti prej prezantimit të euros më 1999. Një muaj më parë, çmimet e konsumit janë rritur me 9.9 për qind.
Në çerekun e tretë, prodhimi i brendshëm bruto (GDP) në 19 shtetet anëtare është rritur për 0.2 për qind në krahasim me çerekun paraprak.
Lexo edhe: Banka Qëndrore Evropiane rrit sërish normat e interesit. Më e larta në 13 vite
Rritja e kërkesës për produkte dhe shërbime tjera, pas heqjes së masave kufizuese dhe lufta e Rusisë në Ukrainë, besohet se janë dy shkaqet kyçe që kanë ndikuar në rritje të inflacionit në shumë vende të botës.
Disa organizata botërore kanë paralajmëruar se bota mund të përballet me recesion global më 2023. Recesioni përshkruhet si tkurrje e ciklit të bizneseve, dhe për pasojë ka rënie të përgjithshme të aktivitetit ekonomik./ CNBC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
