Vendet e BE ranë dakord të vazhdojnë punën për disa masa urgjente për të frenuar çmimet e larta të energjisë, diskutime të cilat i hapin rrugë punës së ministrave të energjisë.
“Ekziston vendosmëri e fortë, unanime, për të vepruar së bashku, si europianë, për të arritur tre qëllime: uljen e çmimeve, garantimin e sigurisë së ofertës dhe vazhdimin e punës për të ulur kërkesën mbi energjinë. – u shpreh presidenti i Këshillit Evropian, Charles Michel
Vendet ranë dakord të ecin përpara në blerjet e përbashkëta të gazit dhe krijimin e një standardi të ri të çmimit të gazit, deri në fillim të vitit 2023 . Ata gjithashtu miratuan përparimin në një tavan të përkohshëm të çmimit për transaksionet e gazit natyror dhe i kërkuan Komisionit Evropian që “të paraqesë urgjentisht vendime konkrete” mbi masat.
Lexo edhe: Faturat e energjisë/ BE jep 40 miliardë euro ndihmë për familjet dhe bizneset
“Ne po synojmë të vëmë në dispozicion deri në 40 miliardë euro fonde në mënyrë që shtetet anëtare të jenë në gjendje të ndihmojnë më të prekurit nga kriza energjetike — qoftë familjet e cenueshme ose ndërmarrjet e vogla dhe të mesme. por në të vërtetë nevojitet më shumë për të mbështetur kompanitë e vogla dhe të mesme por edhe industritë më të mëdha për t’u përballur me krizën e lartë të energjisë dhe këtu tema e investimeve është shumë e rëndësishme.” – u shpreh presidentja e Komisionit Evropian Ursula von der Leyen.
Udhëheqësit e Bashkimit Europian shmangën gjithashtu një përçarje të hapur midis Gjermanisë dhe Francës të premten, që do të kishte ekspozuar një bllok të ndarë, ndërsa përballet me Presidentin rus Vladimir Putin për luftën e tij në Ukrainë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
