Austria, Finlanda, Franca, Holanda, Spanja dhe Rumania i kanë kërkuar Komisionit Europian që ta ngrejë lart në axhendë propozimin e tyre për organizimin e mbrojtjes kibernetike, duke përcaktuar dhe rekomandimet e tyre në pesë fusha prioritare.
Një Non-paper, i siguruar nga EURACTIV dëshmon synimet për një reformim të mbrojtjes së bllokut nga sulmet e kësaj natyre.
Nisma është pjesë e një pakete më të gjerë sigurie të planifikuar të diskutohet në 9 nëntor, që do të përfshijë gjithashtu një plan veprimi mbi lëvizshmërinë ushtarake dhe një program europian të mbrojtjes, siç përcaktohet nga strategjia e re ushtarake e BE-së, Busulla Strategjike.
Lexo edhe: Sa kapacitete ka Ballkani Perëndimor për mbrojtjen nga sulmet kibernetike?
“Duhet theksuar në mënyrë të vecantë roli që ka mbrojtja kibernetike brenda arkitekturës më të gjerë të sigurisë dhe ushtarake të BE-së”, shkruan gjashtë vendet anëtare. Sipas tyre, pikënisja duhet të jetë një organizim i përbashkët të mbrojtjes kibernetike të BE-së, i cili nuk mund të kufizohet vetëm në mbrojtjen e rrjeteve të komunikimit ushtarak.
Ata propozojnë identifikimin e fushave ku duhet të rritet bashkëpunimi ushtarak dhe civil në lidhje me investimet, ndërtimin e kapaciteteve dhe koordinimin në rast goditjeje. Përveç kësaj, “BE-ja dhe shtetet e saj anëtare duhet të sqarojnë se kush mbron pjesë të caktuara të hapësirës kibernetike europiane si dhe rolet dhe përgjegjësitë e secilit aktor”.Non-paper thekson nevojën për të përditësuar objektivat e bllokut për mbrojtjen kibernetike dhe për të krijuar një udhërrëfyes konkret që të mbështesë zbatimin e tyre, ndërsa kërkon gjithashtu gjetjen e mënyrave që shtetet anëtare më të avancuara në fushën kibernetike, të ndajnë me të tjerët eksperiencën e tyre dhe planet organizative.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
