Edicioni i 79-të i Festivalit të filmit në Venecia e ngriti siparin me filmin “White Noise” të Adam Driver, që rrëfen dramën e një krize vdekjeprurëse shëndetësore, keqinformimit dhe barnave me recetë. “White Noise” është i pari i katër filmave të prodhur nga Netflix që konkurrojnë për çmimin kryesor “Luani i Artë”, teksa platforma e njohur po kërkon të forcojë kredencialet e saj artistike.
Një satirë e mprehtë dhe e këndshme e kulturës amerikane të konsumizmit dhë këndvështrimit akademik është ajo që bashkoi Driver me regjisorin Noah Baumbach, pas një tjetër bashkëpunimi të shumëlëvduar të tyre, “Marriage Story”.
Lexo edhe: Kinematografia shqiptare, një industri pa financa
Festivali, zhvillohet çdo vit në ishullin Lido, i rrethuar nga plazhet dhe mbërrin saktësisht në kohën e duhur për nisjen e fushatave të çmimeve Oscar. Tetë nga 10 Oscarët e fundit për regjisorin më të mirë kanë shkuar për filma, që premierën e tyre e patën pikërisht në Venecia, përfshirë fituesen e ceremonisë së këtij Jane Campion me “The Power of the Dog” – një tjetër prodhim i Netflix.
Në Lido ishte dhe aktorja franceze Catherine Deneuve, që u shfaq me një flamur ukrainas të ngjitur në xhaketën e saj teksa mbërriti për të marrë një cmim të shumëmerituar karriere. Politikania amerikane Hillary Clinton ishte ndër personat e tjerë të famshëm që shkelën në tapetin e kuq të celjes së festivalit më të gjatë të filmit në botë, juria e të cilit kryesohet këtë radhë nga aktorja e famshme amerikane, Julianne Moore. 23 filmat e e përzgjedhur ta garojnë përgjatë 10 ditëve të festivalit dominohen kryesisht nga filma hollivudian dhe europiano-perëndimorë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
