Bill Gates nuk është një adhurues i kriptomonedhave ose NFT-ve(tokenave të pakëmbyeshëm). Duke folur në një fjalim të TechCrunch mbi ndryshimet klimatike, miliarderi bashkë-themelues i Microsoft-it e përshkroi fenomenin si diçka që është “100% e bazuar në teorinë e budallait më të madh”, duke iu referuar idesë se asetet e mbivlerësuara do të rriten në çmim kur ka mjaft investitorë të gatshëm për të paguar më shumë për to.
Gates bëri shaka se “imazhet digjitale të shtrenjta të majmunëve” do ta “përmirësonin botën jashtëzakonisht”, duke iu referuar koleksionit të shumëpërfolur “Bored Ape Yacht Club NFT”.
NFT-të janë shenja që nuk mund të shkëmbehen me njëri-tjetrin. Ata shpesh përdoren si një mënyrë për të provuar pronësinë e aseteve dixhitale si koleksionet e artit ose sportit. Por, kritikët i shohin ato si të mbipopulluara dhe potencialisht të dëmshme për mjedisin, duke pasur parasysh natyrën me energji intensive të kriptomonedhave. Shumë NFT janë ndërtuar në rrjetin pas ethereum, kriptomonedhës së dytë më të madhe.
Lexo edhe: Bitcoin arrin cmimin më të ulët në 1 vit e gjysëm. Çfarë po ndodh me kriptomonedhën
“Unë jam mësuar me grupet e aseteve … si një fermë ku ata kanë prodhim, ose si një kompani ku prodhojnë produkte,” tha Gates.
Sa i përket kriptomonedhave, “Unë nuk jam i përfshirë në këtë,” shtoi Gates, duke theksuar, “nuk mbaj pozicion në asnjë nga këto gjëra.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
