Konfindustria vlerëson, se kushti kryesor për kryerjen dhe suksesin e nismës së fundit të qeverisë për amnistinë fiskale, është miratimi paraprak nga BE dhe partnerët strategjikë. Cdo diskutim teknik për brendinë dhe zbatimin e “amnistisë” duhet të kryhet pas shpalljes publike të mbështetjes ndërkombëtare.
Së pari, marrja e mbështetjes nga partnerët ndërkombëtarë për “faljen fiskale” ka rëndësi sepse Shqipëria ka angazhimet e saj si pjesë e marrëveshjeve integruese në BE, Nato dhe të sigurisë globale, përfshi edhe luftën kundër pastrimit të parave, korrupsionit dhe krimit të organizuar.
Së dyti, në mungesë të miratimit të partnerëve strategjikë euroatlantikë për “faljen fiskale” rrezikojmë dështimin e saj të parathënë. Subjektet dhe qytetarët do të shmangeshin nga vetëpërfshirja, pikërisht për arsye të mungesës së sigurisë ligjore të plotë nga kontrollet e mëpasshme të agjencive të specializuara të BE. Shqipëria, në rrugën e saj të proceseve integruese, gjithmonë edhe më shumë do të jetë nën kontrollin e institucioneve të partnerëve strategjikë, BE, SHBA, etj.
Së treti, mbështetja institucionale e shteteve partnere të BE, SHBA, etj. është vendimtare edhe në zbatimin në praktikë të procesit të “aministisë fiskale”. Ndalimi i përfshirjes në “faljen fiskale” të kapitaleve, që janë me burim korrupsionin politik, trafiqet dhe krimin e organizuar, mund të bëhet e mundur më shkallë të lartë suksesi vetëm me përfshirjen e institucioneve të BE, SHBA dhe partnerëve. Shumica e sasisë së kapitaleve, që do të mund të përfshihen në “amnisti fiskale”janë me burim të drejtëpëdrejtë nga shtetet partnere.
Lexo: Konfindustria: çmimet e larta kanë ulur konkurueshmërinë
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
