Një rënie e papritur e numrit të abonentëve e ka detyruar Netflix të marrë në konsideratë disa ndryshime në shërbimet që ofron, duke diskutuar kështu reduktimin e ndarjes së fjalëkalimeve dhe krijimin e një abonimi me kosto të ulët të mbështetur nga reklamat.
Qëllimi i ndryshimeve të tilla, të cilat pritet të vihen në jetë shumë shpejt, është të ndihmohet kompania t`i rikthehet hovit, të cilin e humbi vitin e kaluar. Platforma iu gëzua një boom-i abonentësh në kohën e karantinave të vendosura për shkak të pandemisë së koronavirusit.
Lexo edhe: Netflix humbet abonentë për herë të parë në më shumë se 10 vjet
Por baza e klientëve të saj nisi të tkurrej me 200,000 abonentë gjatë tremujorit janar-mars, e para rrudhje kjo e evidentuar që kur shërbimi i transmetimit u bë i disponueshëm në pjesën më të madhe të botës jashtë Kinës gjashtë vjet më parë. Një pjesë e kësaj rënieje i detyrohet vendimit të kompanisë për t’u tërhequr nga Rusia në shenjë proteste ndaj luftës në Ukrainë, cka i solli humbjen e 700,000 abonentëve. Parashikimet janë që të humbasë edhe dy milionë abonentë të tjerë në tremujorin aktual prill-qershor.
Aktualisht një abonent i Netflix mund të ndajë fjalëkalimin e tij me persona të tjera e të cilët mund të shikojnë përmbajtjen që ofron kjo platformë falas. Kjo pritet të kufizohet. Për të nxitur më shumë njerëz që të paguajnë për llogaritë e tyre, Netflix do të zgjerojë një program provë që ka nisur në tre vende të Amerikës Latine – Kili, Kosta Rika dhe Peru, ku abonentët mund të zgjerojnë shërbimin në një familje tjetër për një çmim më të ulët.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
