Meta Platforms, kompania mëmë e gjigantëve të mediave sociale Facebook dhe Instagram, sqaroi të Hënën se përdoruesit nuk mund të bëjnë postime që bëjnë thirrje për vrasjen e presidentit rus Vladimir Putin ose krerëve të tjerë të shtetit.
Meta tha gjithashtu se një lehtësim i përkohshëm i politikës së saj të gjuhës së urrejtjes vlen vetëm për lejimin e postimeve të përdoruesve në Ukrainë që kërcënojnë forcat sulmuese dhe “vetëm në kontekstin e pushtimit ushtarak rus të Ukrainës”.
Sqarimi vjen disa ditë pasi Reuters raportoi për herë të parë se Meta kishte ndryshuar udhëzimet për politikën e gjuhës së urrejtjes në Rusi, Ukrainë dhe Poloni për të lejuar kërcënimet që bënin thirrje për vdekjen e Putin dhe aleatit të tij, presidentit bjellorus, Aleksandër Lukashenko.
Lexo edhe: Rusia hap hetim penal ndaj Metës për thirrjet për vdekje ndaj pushtuesve rus në Facebook
Reuters gjithashtu raportoi të enjten se Facebook po lejonte thirrje për dhunë kundër ushtarëve rusë në këto tre vende dhe disa të tjerë në Evropën Lindore, Baltik dhe Azinë Perëndimore.
Sqarimi vjen pasi Rusia hapi një hetim penal ndaj Metës të premten për shkak të ndryshimit në politikën e gjuhës së urrejtjes dhe pasi vendi kufizoi aksesin e përdoruesve në Instagram. Rusia bllokoi Facebook-un pas pushtimit, pasi platforma vendosi kufizime për mediat e lidhura me qeverinë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
