Rritja e madhe e çmimit të karburantit gjatë ditëve të fundit ka vështirësuar situatën financiare për operatorët e transportit qytetës jo vetëm në Tiranë, por edhe në rrethe. Gjatë ditës së martë, transporti urban në kryeqytet ka funksionuar vetëm me gjysmën e kapacitetit. Përfaqësues të Unionit të Transportit deklaruan se duhet të dyfishohet çmimi i biletës në 80 lekë dhe nëse kjo nuk ndodh falimentimi do të ndodhë brenda 3-4 ditëve.
“Kërkohet rritja e çmimit të biletës, çdo çmim tjetër është rritur, çmimi për të përballuar këtë krizë është llogaritur diku te 80 lekë për biletë 1- përdorimëshe nëse vazhdojmë kështu kapitullimi i transportit do të jetë për 3-4 ditë maksimalisht”, thanë përfaqësues të Shoqatës së Transporteve.
Një ditë më parë, Hekurudha Shqiptare nëpërmjet një njoftimi publik ka deklaruar se ka ndërprerë shërbimin për shkak të mungesës së karburantit.
Lexoni: Nafta i kalon 260 lekë për litër
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
