Truth Social, një platformë e re e mediave sociale e mbështetur nga ish-presidenti amerikan Donald Trump, arriti majat e grafikëve të shkarkimit të aplikacioneve falas të Apple.
Platforma u lançua të Dielën, sipas Reuters, me shumë përdorues të nxitur t’i bashkoheshin listës së pritjes. Ata që u përpoqën të regjistroheshin raportuan defekte kur përpiqeshin të krijonin një llogari, megjithëse çështje të tilla janë të zakonshme në lançimet e mëparshme të aplikacioneve.
Truth Social është vonuar disa herë. Lançimi fillimisht ishte planifikuar në 21 Shkurt, por kjo datë u shty për në 31 Mars.
Bazuar në listimet e aplikacioneve të Truth Social, dizajni i platformës i ngjan më së shumti Twitter-it, një nga platformat e mediave sociale që pezulloi Trumpin pas trazirave të 6 janarit në Kapitolin e SHBA.
Platforma synon të dallohet përmes filozofisë së saj të moderimit të përmbajtjes, me faqen e internetit që e quan atë “Tenda e Madhe e Amerikës” një platformë e mediave sociale që inkurajon një bisedë të hapur, të lirë dhe të ndershme globale pa diskriminuar ideologjitë politike.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
