Walmart duket se do t’i bashkohet metaverse me plane për të krijuar kriptomonedhën e vet dhe koleksionin e tokenëve të pandryshueshëm, ose NFT-ve.
Në fund të muajit të kaluar, shitësi me pakicë paraqiti disa marka të reja që tregojnë planet për të prodhuar dhe shitur mallra virtuale, duke përfshirë pajisjet elektronike, dekorimet e shtëpisë, lodrat, mallrat sportive dhe produktet e kujdesit personal. Në një dosje të veçantë, kompania tha se do t’u ofronte përdoruesve një monedhë virtuale, si dhe NFT.
Sipas Zyrës së Patentave dhe Markave të SHBA-së, Walmart paraqiti aplikimet më 30 dhjetor.
Në total janë dorëzuar shtatë aplikime të veçanta.
Në një deklaratë, Walmart tha se “po eksploron vazhdimisht se si teknologjitë në zhvillim mund të formojnë përvojat e ardhshme të blerjeve”. Kompania nuk pranoi të komentojë mbi dosjet specifike të markës tregtare.
“Ne jemi duke testuar ide të reja gjatë gjithë kohës”, tha kompania. “Disa ide bëhen produkte ose shërbime që arrijnë tek klientët. Disa i testojmë, i përsërisim dhe mësojmë prej tyre”,
Josh Gerben një avokat marke, tha se që kur Facebook njoftoi se po ndryshonte emrin e kompanisë në Meta, duke sinjalizuar ambiciet e tij përtej mediave sociale, bizneset kanë nxituar të kuptojnë se si do të përshtaten në një botë virtuale.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
