Albanian Excellence ka vlerësuar një tjetër figurë shqiptare të përmasave ndërkombëtare, kësaj radhe në Venecia. Drejtori i Bordit të Albanian Excellence, zoti Andis Gjoni, nderoi në Venecia (Ítali), zotin Muharrem Salihi, me titullin, ”Lider Ekselent në biznes në kohën e Pandemisë Covid 19”. Zoti Muharrem Salihu, është një nga personalitetet më në zë të botës mbarëshqiptare, veçanërisht për shqiptarët që jetojnë në Serbi. Suksesi i zotit Salihu njihet edhe në fushën e biznesit, ndërsa është edhe një promotor i bashkimit të suksesit mbarëshqiptar në fushën e biznesit.
Salihi shprehu mirënjohjen për këtë titull. “Angazhimi im për të drejtat e shqiptarëve në Serbi, ka qenë dhe mbetet i udhëhequr nga besimi i palëkundur në parimin: drejtësi dhe barazi për të gjithë. Kjo nënkupton edhe zhvillimin ekonomik, i cili po sabotohet vazhdimisht tek ne në Serbi, si një emërues i përbashkët mirëqenieje”, tha ai.
Tre vjet më parë Albanian Excellence e shpalli histori suksesi gjatë një vizite në Medvegjë, një zonë e banuar nga shqiptarë, pjese e Republikës së Serbisë.
Muharrem Salihu, në Medvegjë ka ngritur një fabrikë për prodhimin e çorapeve, ku ka punesuar një numër të madh grash shqiptare të zones dhe jo vetëm.
Ai njohet për kontributin e tij të jashtëzakonshëm për Mbrojtjen e Të drejtave të shqiptarëve, ashtu si dhe për krijimin e një linje të përbashkët të bizneseve mbarëshqiptare
Në qytetin e Venecias, Zoti Salihu ka një rrjet të konsiderueshëm restorantesh, ku janë të punësuar kryesisht shqiptarë.
Disa ditë më parë Albanian Excellence, organizoi në Tiranë, mbrëmjen Gala, “Te jesh líder në kohë Pandemie“, ku u vlerësuan 21 personalitete të nderuara nga fusha të ndryshme që luajtën rol në kushtet e vështira te krijuara nga Covid 19. Ky event, themeloi me firmat e fituesve, çmimin “Hero Covid ‘19”, kushtuar mjekeve dhe infermiereve që ishin në ballë të luftës kundër sëmundjes së shekullit!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
