Pandemia e COVID-19 jo vetëm që sfidoi por edhe goditi arsimin profesional (AP) në Shqipëri, për ta rindërtuar në një mënyrë të shpejtë dhe të pabesueshme. Arsimi profesional u bë pjesë e një “eksperimenti të madh” drejt të mësuarit online në distancë për mësuesit dhe për nxënësit.
Për të diskutuar mbi këto çështje, do të mblidhemi me përfaqësues të Ministrisë së Arsimit, të agjencive përgjegjëse për arsimin dhe formimin profesional, ekspertë kombëtarë dhe ndërkombëtarë të mësimdhënies. Një prej temave të diskutimit do të jetë studimi: “Vlerësimi i procesit mësimor në shkollat profesionale, viti shkollor 2020-2021”; një risi nga Agjencia Kombëtare e Arsimit dhe Formimit Profesional dhe Kualifikimeve (AKAFPK) dhe projekti “Aftësi për Punë” (S4J). Studimi përfaqëson një tablo të situatës aktuale në shkollat publike profesionale në Shqipëri dhe lindi nga nevoja e madhe për të analizuar përballjen që pati arsimi profesional gjatë pandemisë. Qëllimi kryesor është identifikimi i ndryshimeve që kanë ndodhur në procesin e mësimdhënies në arsimin profesional në kushte të pazakonta të imponuara prej situatës pandemike, si dhe përshtatjen e proceseve mësimore me qëllim angazhimin e nxënësve.
Lexo: Gabimi që po bëni si menaxherë që shkakton shqetësim të përditshëm, stres dhe ankth te punonjësit
Ndërkohë, studimi lidhi ngushtë objektivat kryesore që zbuluan problematikat e këtij sektori, si:
- Sfidat e procesit të mësimdhënies në AP, ku për herë të parë do të adresoheshin mangësitë dhe mundësitë për t‘u përmirësuar duke përfshirë metoda digjitale ende të largëta për mësuesit.
- Kërkesat e shkollave profesionale për infrastrukturë dhe burime metodologjike ishin një “must” në mënyrë që të përdoreshin efektivisht metodat e reja të mësimdhënies në mjedis ku nuk ishte testuar më parë.
Ky studim identifikoi një trekëndësh i cili do të jetë emëruesi i përbashkët i procesit të mësimdhënies në vazhdim. Krijimi i këtij trekëndëshi lidhet pikërisht me problematikat e sektorit që pandemia zbuloi dhe i vuri në dukje si nevoja për përmirësim: (1) burimet dhe teknologjia mësimore, (2) përvoja e mësimdhënies (3) infrastruktura dhe interneti me brez të gjerë me shpejtësi të lartë.
Studimin mund ta gjeni në link.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
