Dan Gilbert, pronari i mbi 100 kompanive (në SHBA) drejton kompanitë dhe stafin e tij duke aplikuar 19 parime, të cilat që prej 1998 e kanë ndihmuar të rrisë kompanitë dhe të arrijë sukses të jashtëzakonshëm. Një listë e tillë zotërohet nga secili prej punonjësve të kompanive të tij. Këto parime janë:
1.Të rrisim gjithmonë nivelin e vetëdijes – Klientët duhen dëgjuar në mënyrë aktive dhe duhen kuptuar nevojat e tyre qartë.
2.Milimetrat që duhet të përmirësojmë janë kudo përreth nesh - Duhet të jemi më të mirë se konkurrentët edhe në detajet më të vogla.
3.Të përgjigjurit me sensin e urgjencës është element shumë i rëndësishëm i lojës - Të gjithë punonjësit duhet t’u përgjigjen telefonatave dhe emaileve nga kolegët apo klientët brenda ditës.
4.Çdo klient. Në çdo kohë. Pa përjashtim. Pa justifikime. - Klientët nuk duan t’ia dijnë sesa di ti deri sa mësojnë sesa dashuri ke për ta.
5.Të fiksuar për t’i bërë gjërat më mirë - Punonjësit duhet të propozojnë ide të reja në rastet kur diçka mund të bëhet ndryshe nga çfarë propozon stafi menaxherial, duke shmangur burokracitë.
6.Përgjigjia “Po” përpara “Jo” - Asnjë ide e punonjësve nuk duhet hedhur poshtë menjëherë, por duhet marrë në konsideratë.
7.Injoro zhurmën – Fokusohu në zgjidhjen e problemeve dhe injoro ata që nuk japin zgjidhje.
8.Nuk ka rëndësi KUSH ka të drejtë por ÇFARË është e drejtë - Në kompaninë tonë nuk ka vend për arrogancë korporate, shprehet Gilbert.
9.Ne jemi “ata” - Të gjithë punonjësit e 100 kompanive duhet të kuptojnë që janë pjesë e një skuadre të madhe që po punojnë për një qëllim të përbashkët dhe që nuk duhet të ketë ndarje pasi kjo krijon situata toksike.
10.Mos ji perfeksionist - Të qenit perfeksionit mund të të kushtojë humbje mundësish dhe kjo çon në humbje energjie dhe kohe.
11.“Do ta shohësh kur ta besosh” – Besoji vizionit tënd afatgjatë dhe mundohu ta kthesh në realitet.
12.Do ta gjejmë një zgjidhje - Bëj përpara me projektet edhe nëse nuk janë në formën perfekte. Kjo qasje duhet të shihet si avantazh konkurrues dhe jo të na frikësojë.
13.Koha është gjëja më e çmuar, çdo sekondë vlen – Koha është gjëja më e çmuar, jo paratë, sipas Gilbert. Koha nuk mund të zëvendësohet kurrë.
14.Numrat dhe paratë të ndjekin, nuk drejtojnë punën - Duhet të përdorësh dëshirën për rritje si motivim dhe jo fitimin e parave në vetvete. Nëse ke synim rritjen, paratë do të vijnë.
15.“Një qindarkë e kursyer është një qindarkë” - Investo në mënyrë inteligjente.
16.“Të mbështesim njëri-tjetrin” - Të gjitha kompanitë e Gilbert duhet të mbështesin dhe të marrin shërbime / produkte nga njëra-tjetra.
17.Thjeshtësia është gjenialitet – Kompleksiteti nuk nënkupton cilësi. Gjej mënyrën më të thjeshtë dhe të pastër për të bërë gjërat.
18.Inovacioni shpërblehet; Ekzekutimi adhurohet - Idetë fantastike dhe planifikimi i tyre janë shumë të rëndësishme por janë vetëm gjysma e procesit. Implementimi i tyre me sukses është shumë i rëndësishëm, përndryshe gjithçka që u planifikua më parë thjesht pushon së ekzistuari.
19.Puno me integritet të plotë - bëj gjënë e duhur - Gjithmonë puno me integritet të plotë dhe bëj gjënë e duhur. Asnjëherë nuk je gabim kur je duke bërë gjënë e duhur.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
