Amazon njoftoi 14 projekte të reja të energjisë së rinovueshme në SHBA, Kanada, Finlandë dhe Spanjë për të çuar përpara qëllimin e fuqizimit të 100% të bizneseve me energji të rinovueshme deri në vitin 2025, pesë vjet më herët se qëllimi fillestar i vitit 2030.
Lajmi u bë i ditur nga gjiganti i tregtisë elektronike, duke shpjeguar se projektet e reja sjellin investimet totale të Amazon në energjinë e rinovueshme në 10 gigavat (GW ) të kapacitetit të prodhimit të energjisë elektrike, mjaftueshëm për të furnizuar 2,5 milionë banesa në SHBA.
Amazon tani është blerësi më i madh i korporatave të energjisë së rinovueshme në SHBA dhe në botë. “Ne po bëjmë presion të fortë për të përmbushur qëllimet e vendosura për të arritur emetime neto zero të CO2 deri në vitin 2040, 10 vjet para Marrëveshjes së Parisit”, theksoi Jeff Bezos, themelues i Amazon.
“Investimet tona në energjinë e erës dhe diellit në SHBA dhe në të gjithë botën dërgojnë një sinjal që synon të theksojë se investimi në teknologjitë e gjelbra është gjëja e duhur për të bërë për planetin dhe qytetarët dhe bizneset që operojnë në të gjithë sektorët”, shtoi Bezos.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
