Është testuar një program që tenton të zbuloje emocionet tek njerëzit nëpërmjet njohjes së fytyrës. BBC raporton se sistemi i ri që njihet si ‘AI’ përdor kamerën dhe testi po zhvillohen tek ujgurët në Kinë.
Një inxhinier, që ruajti anonimatik tha se, ka punuar në krijimin e këtij programi duke instaluar sisteme të tilla në stacionet e policisë në provincë, ku testohet emocionet e ujgurëve.
Sipas inxhinierit, kamerat që zbulojnë emocionet janë njësoj si sistemet e mëparshme që zbulojnë kur një njeri gënjen apo thotë të vërtetën, por këtë herë shumë e përparuar.
Sipas tij, sistemi i ri ‘AI’, mund të arrijë të zbulojë dhe analizojë edhe ndryshimet më të vogla të fytyrës. Ai është në gjendje që të zbulojë çdo emocion.
Lexo: Shërbimet e mesazheve po ofrojnë më shumë privatësi
Sigurisht që sistemi i ri ka rikthyer svrish debatin për shkeljen e të drejtave të njeriut që po i bëhet popullit ujgur. Sipas një avokati të njohur me këtë çështje, “kjo është diçka tronditëse”.
Ndërkohë, qeveria e Kinës ka thënë se, mbikëqyrja e ujgurëve është e nevojshme, pasi ata kërkojnë të krijojnë shtetin e tyre dhe i akuzon për vrasjen e qindra njerëzve në sulme terroriste.
Ujgurët janë vazhdimisht të kontrolluar, pasi në zonë ndodhet dhe një nga qendrat më të mëdha të riedukimit, me kampe të sigurisë së lartë. Edhe kjo, për shumë aktivistë, është shkelje e hapur e të drejtave të njeriut.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
