43 ide biznesi nga nxënës, studentë dhe të rinj kanë marrë pjesë në edicionin e tretë të Start-Up City, eventit të organizuar nga Universiteti Metropolitan Tirana, Metropolitan Incubator dhe Fakulteti i Ekonomisë, UT.
Pas fazës së parë të aplikimeve, që ka nisur më 12 mars dhe është përmbyllur më 30 prill, juria me ekspertë të sipërmarrjes dhe inovacionit ka përzgjedhur 13 idetë që do të vijojnë konkurimin deri në fazën finale.
Përmes një videomesazhi, Drejtori i Metropolitan Incubator, Dr. Pleurat Rexhepi lexoi listën e ideve që kaluan fazën e parë.
Lexo: INNVEST Forum 2021 me 21 Maj në Tiranë
“Jemi të lumtur që kemi nxitur tek ju dëshirën për t’u bërë pjesë e botës së sipërmarrjes me ide të reja dhe shumë origjinale. Asnjeherë mos u ndjeni të demotivuar edhe nëse nuk fitoni, gjëja më e rëndësishme është vendosmëria që keni për të bërë biznes dhe të ndryshoni shoqërinë me idetë tuaja. Jepuni shtysë ideve tuaja me vendosmëri, analizë, përkushtim, durim, besim, risk, risi, investim dhe kohë”,- u shpreh Dr. Pleurat Rexhepi.
Lista e ideve që kalojnë në fazën finale janë:
- Forest Kids
- Atelie dhe Butik Kozeta
- Click to Eat
- TBot
- OctoApp
- BioTech
- Albanian Tech Tour
- Parklik
- Romix
- Margjelo Filigran
- IntellDrive
- I-Move
- ShkruajShqip. Al
“Start Up City” është vendi ku studentët dhe të rinjtë mund t’i zhvillojnë idetë e tyre të biznesit, duke i prezantuar përballe një jurie prestigjioze. Ky kompeticion synon të ndihmojë të gjithë të rinjtë novator me shpirt sipërmarrës që të realizojnë dhe prezantojnë idetë e tyre të biznesit.
Ky event mbështetet nga OTP Bank Albania, Fondi Sigal, Metro Design dhe partner mediatik Business Mag Albania.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
