Prodhuesi i telefonave në Korenë e Jugut, LG, ka vendosur që të tërhiqet nga tregu. Reuters bën me dije se tërheqja e kompanisë është bërë për shkak të humbjeve të shumta në vitet e fundit. LG në këtë mënyrë bëhet marka e parë e madhe e prodhimi të telefonave që tërhiqet plotësisht nga tregu. Tërheqja e kompanisë LG nga tregu, bën që kompanitë e tera të fitojnë terren, sidomos Samsung dhe Apple.
Tashmë në SHBA, pritet që Samsung të fitojë më shumë terren se Apple pasi LG prodhonte telefona me çmim mesatar. Kompania LG për 6 vitet e fundit ka regjistruar humbje, për shkak të shitjeve të pakta që ka pasur. Llogaritja e humbjeve shkon deri në 4.5 miliard Dollarë.
Në kohë më të mira, LG ishte herët në treg me një numër të risive të telefonave celularë, duke përfshirë kamera me kënd shumë të gjerë dhe në kulmin e saj në 2013, ishte prodhuesi i tretë më i madh i smartphone-ve në botë pas Samsung dhe Apple. Por më vonë, modelet kryesore vuajtën nga gabimet e softuerit dhe harduerit, të cilat së bashku me azhurnimet e ngadalta të softuerit bënë që marka të humbiste terren. Analistët gjithashtu kanë kritikuar kompaninë për mungesë ekspertize në marketing krahasuar me rivalët kinezë.
Bisedimet për të shitur një pjesë të biznesit Vingroup të Vietnamit u ndërprenë për shkak të dallimeve në lidhje me kushtet, kanë thënë burime me njohuri të çështjes. Tashmë LG do të përqendrohet tek prodhimi i automjeteve elektrike, si dhe pajisjeve të mençura.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
