Linja ajrore me bazë në Dubai, flydubai, u ul në Aeroportin Ndërkombëtar të Tiranës (TIA) duke shënuar fillimin e një shërbimi pa ndërprerje nga Dubai për në kryeqytetin shqiptar. Avioni u nis nga Dubai International (DXB) në 09:44, në orë lokale dhe arriti në Tiranë në 13:35 në orë lokale. Fluturimi u mirëprit në mbërritje me një përshëndetje ceremoniale me ujë dhe nga përfaqësues të Aeroportit Ndërkombëtar të Tiranës si dhe Ministri Shqiptar i Turizmit dhe Mjedisit, Z. Blendi Klosi. flydubai do të shërbejë këtë itinerar me dy fluturime në javë, të enjteve dhe të dielave dhe do të operojë me një avion të gjeneratës së ardhshme Boeing 737-800.
Me prezantimin e këtij shërbimi dy herë në javë, flydubai është linja e parë ajrore që ofron lidhje ajrore ndërkombëtare pa ndërprerje nga Emiratet e Bashkuara Arabe në Shqipëri. Gjatë ceremonisë, Shefi i Operacioneve të Aeroportit Ndërkombëtar të Tiranës z. Volker Wendefeuer deklaroi: “Ne kemi punuar intensivisht për këtë itinerar dhe jemi të lumtur që lidhim dy vende me potencial të madh për rritje në sektorët ekonomikë dhe të turizmit. I uroj flydubai një fillim të shkëlqyeshëm këtu dhe shumë suksese për të gjitha palët që janë përfshirë në përfundimin e këtij projekti të mrekullueshëm”.
“Eshtë një kapitull i ri për aeroportin shqiptar që shënohet me këtë fluturim të parë të drejtpërdrejtë nga Dubai. Eshtë një ngjarje shumë e rëndësishme sepse në këto kohë pandemie kemi nevojë për tregje të reja. Frekuenca e fluturimeve flydubai pritet të rritet në muajt e ardhshëm dhe duke qenë se Dubai përfaqëson një pikë shumë të rëndësishme të marrëdhënieve të turizmit shqiptar me botën arabe dhe aziatike, komunikimi me turistët e këtij tregu të rëndësishëm për ne, do të zhvillojë më tej turizmin në Shqipëri” tha Ministri i Turizmit dhe Mjedisit, Z. Blendi Klosi.
Lexo: WIZZ AIR SJELL AVIONIN E KATËRT NË TIA: NISIN FLUTURIMET DIREKTE DREJT STOCKHOLM DHE MALMÖ
Duke komentuar fillimin e fluturimeve, Ghaith Al Ghaith, Shefi Ekzekutiv i flydubai, tha: “Ne jemi të kënaqur që jemi linja e parë ajrore me bazë në Emiratet e Bashkuara Arabe që operon fluturime të drejtpërdrejta midis Dubait dhe Tiranës. Shpresojmë që këto linja ajrore të drejtpërdrejta të mbështesin tregtinë dhe turizmin midis dy vendeve në të ardhmen, pasi kufizimet e udhëtimit fillojnë të lehtësohen. Ne shpresojmë që të shohim kërkesën të rritet në këtë itinerar dhe të rrisim frekuencën e fluturimeve tona”. Emirates do ta kodojë në këtë rrugë duke u ofruar udhëtarëve më shumë lidhje pa ndërprerje përmes qendrës ndërkombëtare të aviacionit të Dubait në 155 destinacione midis dy rrjeteve Emirates dhe flydubai duke përfshirë Australinë, Kinën, Oqeanin Indian, Japoninë dhe Azinë Jugore.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto