Apple këtë muaj ofroi një panoramë të përditësuar të biznesit të App Store duke dhënë shifra të shitjeve. Kompania tha se konsumatorët e App Store kanë shpenzuar 1.8 miliardë dollarë në aplikacione gjatë javës së Krishtlindjeve dhe ndërrimit të viteve kryesisht në video lojëra. Në ditën e parë të vitit të ri u shpenzuan mbi 540 milionë dollarë. Ajo çfarë Apple nuk tregoi është nëse pandemia ka luajtur një rol në rritjen e shpenzimeve gjatë 2020 dhe sa janë rritur.
Sipas firmës analitike Sensor Tower, shpenzimet globale në App Store ishin 72.3 miliardë dollarë gjatë 2020, 30.3% më shumë sesa një vit më parë ku qëndronin në 55.5 miliardë dollarë. Edhe App Annie ofroi statistika të ngjashme.
Apple fokusohet aty ku dëshiron vetë dhe me shifrën e 200 miliardë dollarëve fitime për zhvilluesit e aplikacioneve App Store që prej 2008 po përpiqet të thotë se dyqani i aplikacioneve nuk është një monopol por parajsë. Java e fundit e 2020 gjithashtu vendosi rekordin e 1.8 miliardë dollarë shpenzime në aplikacione dhe lojëra.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
