Nëse zemra është motori i trupit, atëherë truri është kompjuteri që komandon çdo gjë. Dhe ashtu si çdo makineri inteligjente, edhe ai ka nevojë për “karburantin” e duhur për të funksionuar në maksimum.
Dr. Aaron Lord, shef i neurologjisë në spitalin NYU Langone, Brooklyn, na zbulon sekretet e tij ushqimore për të mbajtur trurin të mprehtë, të shëndetshëm dhe të ri për sa më gjatë. Jo me suplemente të shtrenjta apo dieta ekstreme, por me 8 ushqime të zakonshme që ai i konsumon çdo ditë ose të paktën çdo javë.
Lexo gjithashtu: Nëse keni bërë këto 5 aktivitete këtë javë, keni një tru më të mprehtë se shumica!
- Peshku i egër, për yndyrna që e duan trurin
Salmoni, grupi apo halibuti nuk janë thjesht zgjedhje kulinarie, janë ilaç për trurin. Të pasura me acide yndyrore omega-3, këto peshq kanë veti anti-inflamatore që ndihmojnë në ruajtjen e strukturës dhe funksionit të trurit. Dr. Lord rekomandon të zgjidhni gjithmonë peshk të egër, jo të rritur në ferma.
- Jeshillëqet me gjethe,”pastruesit” e trurit
Spinaqi apo edhe brokoli janë të pasur me fibra, folate dhe antioksidantë. Jo vetëm që përmirësojnë shëndetin e zorrëve (të cilat kanë lidhje të drejtpërdrejtë me trurin), por ndihmojnë në luftimin e plakjes së trurit. Sekreti i Dr. Lord? Shtoni pak vaj ulliri dhe hudhër të pjekur në fund të gatimit, shije dhe shëndet në një pjatë.
- Domatet, të vogla, por të fuqishme
Këto fruta të kuqe janë një burim i pasur i likopenit, një antioksidant që lufton inflamacionin dhe stresin oksidativ, dy faktorë kyç në neurodegjenerim. Domatet qershi ose ato medley janë perfekte për sallata, salca apo thjesht me djathë dhe borzilok.
- Arrat dhe frutat e pyllit, dueti fitues
Kur vjen puna te yndyrnat “e mira”, arrat qndrojn në krye. Me përmbajtjen më të lartë të omega-3 në raport me omega-6, arrat janë një zgjedhje e shkëlqyer për trurin. Ndërkohë, boronicat janë plot me flavonoide që përmirësojnë kujtesën dhe reduktojnë stresin. Kombinimi perfekt për mëngjes? Tërshërë “steel-cut” gjatë natës me boronica, arra dhe pak mjaltë.
- Vaji i ullirit, ari i lëngshëm i Mesdheut
Një ndër më të preferuarit e Dr. Lord. I pasur me yndyrna të shëndetshme monounsaturate, ndihmon në balancimin e kolesterolit dhe mbrojtjen e enëve të gjakut të trurit. Ideal për sallata, marinime, por jo për skuqje të thella.
Lexo gjithashtu: Shqipëria në fokusin e SHBA-së: Gati investimet në teknologji dhe lidhja hekurudhore me Kosovën
- “Speciet” magjike, kurkuma dhe xhenxhefili
Kurkuma, me përbërësin e saj aktiv kurkuminën, është një luftëtar natyral kundër sëmundjeve neurodegjenerative. E kombinuar me piper të zi, përthithet më mirë në organizëm. Xhenxhefili nga ana tjetër përmirëson qarkullimin dhe qartësinë mendore. Plus, i jep një shije të mrekullueshme çdo gjelle!
- Çaji dhe kafja, buzë filxhanit fillon përqendrimi
Të dyja të pasura me flavonoide dhe kafeinë, ndihmojnë në përmirësimin e fokusit dhe mbrojnë trurin nga dëmtimet e hershme. Çaji i gjelbër dhe kafeja e zezë, janë shumë më tepër sesa një zakon i përditshëm.
- Kokoshka në shtëpie, kënaqësi me pak kalori
Kur dëshironi diçka të kripur e me shije, harroni patatet e skuqura. Popkorn-i i bërë në shtëpi me pak vaj kanola, maja ushqyese dhe kripë është alternativa më e zgjuar. Jo vetëm që është më i shëndetshëm, por edhe më i lirë.
Në fund të ditës, shëndeti i trurit nuk vjen me receta magjike, por me zgjedhje të vogla që bëhen pjesë e jetës së përditshme.
Dhe siç thotë Dr. Lord: “Çfarë do zemra, do edhe truri. Mos i ndani kurrë!”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
