8 kërkesa nga Dhoma Italiane e Tregtisë në Shqipëri - Business Magazine Albania

8 kërkesa nga Dhoma Italiane e Tregtisë në Shqipëri


Dhoma e Tregtisë Italiane në Shqipëri bën të ditur se po ndjek me shqetësim përhapjen e Covid 19 në Shqipëri dhe shpreh solidaritetin ndaj qytetarëve shqiptarë.

Përmes një njoftimi për median, Dhoma vlerëson se me shumë sakrifica, do të mund t’ia dalim shpejt, por nevojitet pergjegjshmëri nga ana e të gjithëve.

Dhoma e Tregtisë Italiane në Shqipëri, ka bërë propozimet e saj për masa ekonomike që të mund të shmangen dëme të mëtejshme që mund të pësojnë bizneset prodhuese që tashmë janë të goditura nga kjo pandemi.

Me qëllimin t’u japë një frymëmarrje bizneseve, profesionistëve dhe punonjësve, duke shmangur kriza të likuiditetit për shkak të derdhjes së kontributeve dhe taksave, Dhoma sygjeron:

1-Pezullim i pagesave të taksave dhe kontributeve të detyrueshme që janë në ngarkim të biznesit dhe punëmarrësit, përfshi taksat vendore si dhe mundësinë, në një moment të dytë, të shlyerjes të këtyre detyrimeve me këste;

2-Shmangie e penaliteteve për vonesa në pagesa dhe për detyrime fiskale dhe të biznesit;

3-Përgjysmimi në masën 50% të taksës vendore për godinat që përdoren nga bizneset;

4-Pezullimi, për periudhen fiskale 2020, i taksës për plastikën dhe akcizat për lëndet djegëse që përdoren në ciklet prodhuese;

5-Shtyrja, për të gjitha bizneset, e afatit për dorëzimin e bilanceve, të paktën deri me datë 30 qershor;

6- T’u lejohet shoqërive, në rast bllokimi të aktivitetit, nxjerrja e të gjithë punonjësve në asistencë sociale, pa qenë e nevojshme të aktivizohet procedura e pushimit nga puna. Kjo do t’u jepte punonjësve mundësinë për të mos humbur vendin e punës dhe në të njëjtën kohë, të mund të marrin një pagë minimale të garantuar që mund të dyfishohet me kontributin e biznesit që i shtohet atij të Shtetit. Kjo do t’i jepte mundësinë biznesit të mos humbasë forcën punëtore dhe kapitalin njerëzor;

7- Shtyrja automatikisht e vlefshmerise se çertifikatave, autorizimeve, lejeve te ndyshme qe disponojne bizneset, per te pakten per 2/3 muaj (leje mjedisore, doganore, etj.) pas mbylljes se zyrave publike dhe mos funksionimit me kapacitet te plote te Administrates Publike;

8-Aplikimi i një Udhëzimi mbi masat për parandalimin e përhapjes së virusit Covid-19 në ambjentet e punës.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0