7 pikat kyçe për t’u bërë një drejtues biznesi

Pjesa më e madhe e sipërmarrjeve të reja drejtohen nga një person i vetëm, por shumë harrojnë të ndërtojnë një ekip për arritjen e suksesit afatgjatë. Sot duket se shumica prej sipërmarrësve e shohin veten si drejtuesi i vetëm i zgjidhjes së tyre të re dhe drejtuesi kryesor i biznesit të tyre. Kjo nuk është diçka e keqe në fillim, por ndërsa ngjiten shkallët, çdo biznes duhet të ndërtojë një ekip për të ndjekur gamën e gjerë të aftësive të nevojshme, për të luftuar konkurrentët e rinj dhe për t’iu përgjigjur ndryshimeve në treg.

Për shumë, është e vështirë të bëjnë kalimin nga kultura lart-poshtë, urdhëruese dhe është e vështirë të gjejnë kohën për të rekrutuar dhe trajnuar anëtarë të rinj, ekipi që u nevojiten për të çuar biznesin drejt suksesit.

Shumë biznese të reja dështojnë në këtë fazë sepse nuk ndërtojnë kulturën e duhur të ekipit për t’i mbajtur ata të angazhuar dhe të përkushtuar dhe themeluesit dështojnë, duke u përpjekur të bëjnë shumë.

Lexoni: 6 praktikat më të mira të lidershipit për të motivuar punonjësit tuaj

Këto janë shtatë strategjitë kryesore të cilat rekomandohen për të ndërtuar rrugën drejt suksesit:

Pohojani vetes dhe të tjerëve që keni nevojë për ndihmë.

Mos lejoni që egoja dhe pasioni juaj t’ju ndalojë të ndërtoni një ekip rreth jush, të dëgjoni të tjerët me aftësi plotësuese dhe të delegoni vendime sa më poshtë të jetë e mundur. Ne të gjithë duhet të jemi të përulur dhe të pranojmë se ajo që dimë për teknologjinë dhe tregun ndryshon çdo ditë.

Identifikoni një qëllim biznesi dhe objektiva që motivojnë çdo ekip.

Ditët e sotme, ekipet moderne janë të motivuara nga një qëllim më i lartë, siç është përmirësimi i mjedisit ose ndihma e të varfërve, më shumë sesa paraja dhe fitimi. Ju duhet t’i bëni ata të ndjejnë një angazhim personal kundrejt shërbimit ndaj klientit, përmirësimit të cilësisë dhe ndryshimit për të përmirësuar të ardhmen.

Blake Mycoskie, themelues i “Toms Shoes”, i vendosi një qëllim vetes, të dhuronte një palë këpucë për nevojtarët për çdo palë të shitur dhe ruante angazhimin e ekipit duke siguruar udhëtime ndërkombëtare për të ndihmuar partnerët në shpërndarjen e këpucëve në vende interesante, përfshirë Nepalin dhe Hondurasin.

Inkurajoni ekipin tuaj të marrë vendime dhe të veprojë.

Shumë ekipe janë të zhgënjyer nga debate pa mbarim dhe kërkesa të vazhdueshme për më shumë analiza nga menaxherët. Kënaqësia dhe angazhimi vijnë nga zgjedhja e një rruge për të ecur përpara, vlerësimi i rezultateve dhe reagimet e klientëve dhe të mësuarit nga të gjitha përpjekjet e tyre më të mira.

Krijoni ekipe të vogla, të larmishme dhe bashkëpunuese.

Ekipet me më shumë se tetë ose nëntë persona shpesh përfshihen në politika të brendshme dhe kanë probleme në ndarjen e të dhënave në mënyrë efektive ose në arritjen e konsensusit. Të gjithë njerëzit duhet t’i besojnë njëri-tjetrit dhe të jenë në gjendje të njohin vlerën e perspektivave të ndryshme. Shmangni projektet e gjata dhe pa mbarim.

Për shembull, Jeff Bezos tek Amazon është i njohur për rregullin e tij me dy pica: Asnjë takim ose ekip nuk duhet të jetë aq i madh sa që dy pica të mos munden të ushqejnë të gjithë grupin. Ai është i bindur se kjo siguron produktivitet maksimal dhe se idetë e askujt nuk mbyten ose injorohen.

Praktikoni dëgjimin aktiv dhe komunikimin e hapur në ekip.

Ndërsa madhësia dhe numri i antarëve të ekipit tuaj rritet, sasia e kohës që kaloni duke dëgjuar dhe duke komunikuar gjithashtu duhet të rritet. Rezistoni ndaj dëshirës për të kufizuar atë që ekipi duhet të dijë, ndërprisni mesazhet negative, ose kalimin e shpejt teksa jeni duke dëgjuar një zgjidhje. Nxitni ndarjen e ideve dhe reagimet.

Nxitni një kulturë të të mësuarit të vazhdueshëm, madje edhe nga dështimet.

Shumë drejtues të rinj të biznesit mezi presin të zbatojnë proceset fikse të ekipit për të përmirësuar produktivitetin dhe për të minimizuar rrezikun. Megjithëse produktiviteti është i rëndësishëm, rreziku më i madh është të mos mësosh nga klientët dhe tregu dhe të mbetesh prapa. Ofroni shpërblime për ide të reja, eksperimente dhe reagime kritike të ekipit.

Bëhuni modeli i përqendrimit të klientit për ekipin

Shumë udhëheqës të biznesit largohen gjithnjë e më shumë nga klienti teksa ngjisin shkallët e tyre të biznesit. Sigurohuni që të ndani kohë për vizita të rregullta të klientëve dhe sigurohuni që ekipi juaj e kupton që ofrimi i vlerës tek më shumë klientë është përkufizimi juaj për rritjen e biznesit.

Teksa biznesi juaj rritet nga një startup në një biznes të qëndrueshëm edhe ju duhet të rriteni nga një sipërmarrës në një udhëheqës biznesi. Sigurisht, nëse interesat dhe pasioni juaj nuk anojnë në këtë drejtim, ju gjithmonë mund të kontraktoni një CEO të jashtëm që tashmë i ka aftësitë, ose mund të bashkoni apo shisni startup-in tuaj në një ndërmarrje tjetër dhe të filloni një sipërmarrje të re.

Vetëm kini parasysh se krijimi i një kulture dhe ekipi fitues nuk do të ndodhë automatikisht. Lipset njohja e nevojave dhe përpjekjeve nga ana juaj. Hidhini një vështrim të thellë situatës suaj, ju mund të jeni një pjesë kryesore e problemit ose drejtues i zgjidhjes tjetër të suksesshme.

INC

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale