7 Marsi, Dita e Mësuesit, shënohet si një ngjarje me rëndësi kulturore në gjithë vendin dhe Businessmag ju uron gëzuar festën tuaj mësues të nderuar e të respektuar!
Sot festohet Dita e Mësuesit, që na përkujton ditën kur më 7 mars 1887, u hap në Korçë, nën drejtimin e Pandeli Sotirit, Mësonjëtorja kombëtare shqipe. Ajo ishte shkollë me karakter kombëtar e laik ( jo fetar ) ku të gjitha mësimet jepeshin në gjuhën shqipe. Drejtues të saj ishin figura të njohura të Rilindjes shqiptare, si: Pandeli Sotiri, Petro Nini Luarasi, Nuçi Naçi, Thoma Avrami. Në këtë ditë në të gjithë së bashku kujtojmë mësuesit tonë të parë që na mësuan shkronjat shqipe,na mësuan se si ta duam dhe ta respektojmë atdheun.Na mësuan poezitë e bukura të autorëve tonë të mrekullueshëm që çdo fjalë e varg i saj të mbetet e të ngulitet thellë në mendjet tona.Me aq dashuri e respekt janë sjellur me ne për të na mësuar e kritikuar me atë metodën dashamirëse kur ne bënim gabime.
Mësuesit janë shtyllat e arsimit dhe arkitektët e së ardhmes. Me durim, dashuri dhe profesionalizëm, ata jo vetëm që na mësojnë shkronjat, numrat dhe faktet, por edhe na frymëzojnë të ëndërrojmë, të krijojmë dhe të bëhemi versione më të mira të vetvetes. Në çdo klasë, ata mbjellin farat e kuriozitetit dhe kultivojnë mendjet e hapura, duke na përgatitur për sfidat e jetës.
Festa e Mësuesit na rikujton se arsimi është dhurata më e çmuar që mund të marrim dhe të japim. Prandaj, le të përdorim këtë ditë për t’i thënë “Faleminderit” mësuesve tanë – heronjve të heshtur që punojnë çdo ditë për të ndërtuar një të ardhme më të ndritshme.
Gëzuar Festën e Mësuesit të gjithë atyre që e bëjnë botën një vend më të ditur dhe më të bukur!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English