5 faktorët që do t’i japin formë mjedisit të punës në 2020 e më tej - Business Magazine Albania

5 faktorët që do t’i japin formë mjedisit të punës në 2020 e më tej


Ndryshimet gjatë viteve të fundit në mjedisin e punës kanë qenë të shpeshta. Ekziston frika e zhvillimit të robotëve si dhe automatizimit masiv të proceseve të punës, çka na bën të mos jemi shumë pozitiv për këtë ndryshim masiv.

Mjedisi i punës po ndryshon, ndonëse është një ndryshim pozitiv. Një studim i vitit 2019 nga McKinsey, zbuloi se më pak se 30% e aktiviteve në rreth 60% të punësimit tona janë teknikisht të mundura të automatizohen.

Kjo do të thotë që automatizimi dhe inteligjenca artificiale na mundëson të harxhojmë më pak kohë në punë, të cilat nuk krijojnë një impakt të madh, siç mund të jenë ato manuale.

Automatizimi i mjedisit të punës, na lejon të punojmë në një mënyrë më të zgjuar, duke krijuar mundësinë e një pune të fokusuar në kapitalin human. Prandaj, teksa mendojmë për avancimin e po këtij mjedisi gjatë vitit 2020 e më tej, duhet të fokusohemi tek këto 5 faktorë, të cilët kanë një impakt në krijimin e tij.

  1. Orë pune fleksibël

Sipas një studimi të kryer nga Robert Half, rreth 47% e punonjësve do të pranonin të punonin për një rrogë më të ulët, në këmbim të orëve fleksibël në orarin e tyre. Kjo e bën fleksibilitetin e orëve një faktor të rëndësishëm, i cili duhet të merret parasysh nga çdo drejtues, që kërkon përmirësimin e mjedisit të punës drejtuar nga e ardhmja.

  1. Puna në distancë

E lidhur ngushtë me fleksibilitetin, puna në distancë është një faktor tjetër po aq i rëndësishëm. FlexJobs, me anë të një studimi, arriti në përfundimin që kjo mënyrë e të punuarit është rritur me 91% gjatë 10 viteve të fundit. Kjo mënyrë e të punuarit kërkon një besueshmëri të lartë dhe u krijon punonjësve mundësinë e të punuarit në një mënyrë komforte, e cila përkthehet në produktivitet më të lartë.

  1. Mbështetje emocionale

Të përballuarit të gjendjes emocionale të punonjësve shkon përtej abonimeve të palestrave dhe programeve kundër mbipeshës. Sipas një raporti, u zbulua që 86% e punonjësve besonin në rëndësinë që kompania duhej t’i kushtonte këtij faktori. Neglizhimi i tij do të sillte një mungesë motivimi dhe njëkohësisht produktiviteti.

  1. Transparenca

Njëherë e një kohë, transparenca e plotë u bëhej e mundur vetëm instancave të larta të një kompanie, por kohët kanë ndryshuar. Sot, punonjësit kanë më transparencë se kurrë. Kjo bën të mundur që secili të kuptojë rolin e tij dhe parimet e drejtësisë, me të cilat kompania operon.

  1. Diversiteti

Numri i minoriteteve në mjedisin e punës ështe aktualisht i ulët. Vihet re një numër i ulët i gjinisë femërorë në mjediset organizative, ku femrat me ngjyrë përbëjnë grupin më të papërfaqësuar në çdo nivel organizativ. Detyra u takon liderëve, për ta bërë mjedisin e punës, një mjedis gjithëpërfshirës dhe të aksesueshëm nga kushdo.

Ështe 2020. Një vit i ri. Një dekadë e re. Çfarë do të ndryshoni në mjedisin e punës, në mënyrë që të duket ndryshe 10 vite më pas?

Ergys Kosovrasti

INC

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0