Projekti “40 under 40” është iniciativë e ndërmarrë nga platforma BLOconomy dhe startup Wood World Albania.
Projekti ka nisur në korrik 2021 dhe ka si qëllim të promovojë dhe mbështesë sipërmarrësit e rinj të cilët kanë biznesin e tyre në Shqipëri, Kosovë dhe Maqedoninë e Veriut.
Projekti do të kalojë në 4 faza kryesore, ku faza e parë lidhet me nominimin nga cilido i një sipërmarrësi të suksesshëm në secilën prej trevave të përmendura më sipër, nominimet do të vazhdojnë të jenë të hapura deri në fund të nëntor 2021.
Faza e dytë lidhet me publikimin e këtyre sipërmarrësve në kanalet e komunikimit të Bloconomy si website, facebook dhe instagram.
Faza e tretë lidhet me podcast-et online që do të transmetohen në youtube channel të BLOconomy.al, çdo të mërkurë në orën 20;10. Me datë 8 shtator nisi edhe podcasti i parë me tre sipërmarrësit panelistë që ndanë historinë e tyre në sipërmarrje, sfidat në biznes, ndikimin që pati pandemia si dhe risitë që secili prej tyre do të sjellë në vitin 2022.
Faza e fundit dhe finale lidhet me renditjen e 40 sipërmarrësve më të suksesshëm nën 40 vjeç, ku vlerësimi do të bëhet nga 9 anëtarë Bordi, sipërmarrës të suksesshëm në Shqipëri dhe rajon. Kjo fazë do të përmbyllet me publikimin e një reviste me 40 më të suksesshmit dhe profilet e biznesit të secilit prej tyre.
Nëse njihni një sipërmarrës të suksesshëm dhe dëshironi ta nominoni, atëherë klikoni në; bloconomy.al ndërsa nëse dëshironi të shihni podcast-in e parë klikoni në linkun në vijim: https://www.youtube.com/watch?v=10J-Y0bmwFU&t=2013s
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
