4 trende teknologjike që ndryshojnë pozitivisht vendin e punës - Business Magazine Albania

4 trende teknologjike që ndryshojnë pozitivisht vendin e punës


Mjedisi i punës është shumë i rëndësishëm jo vetëm për shëndetin mendor, por edhe për produktivitetin dhe ecurinë e punës në kompani. Vendi i punës ndikohet nga një shumëllojshmëri faktorësh si; ndryshimi i ideologjive dhe ndikime të tjera të jashtme; pozitive apo negative.

Ndikim të madh ka edhe teknologjia. Këto janë 4 mënyrat se si teknologjia e ndryshon pozitivisht mjedisin e punës:

Vendi i punës po bëhet i sigurt

Që të ketë produktivitet dhe  kënaqësi të plotë një punonjës duhet të ndihet i sigurt në vendin e punës. Mbajtja e punonjësve bëhet duke menaxhuar sjelljet e dobëta. 59% e punonjësve që kanë vërejtur ndonjë sjellje të keqë kanë kërkuar një punë të rë.

Ariel Weindling, themelues i #NotMe, një program ku punonjësit mund të raportojnë problemet në vendin e punës, tregon se nëse punonjësit dhe punëdhënësit do të bashkëpunonin (kjo edhe duke përdorur mjetet teknologjike), mund të parandalohen incidentet apo diskriminimet në punë.

Bashkëpunimi më i lehtë se më parë

Teknologjia është mjaft e rëndësishme në ditët e sotme, padyshim edhe në vendin e punës. Pa teknologji bashkëpunimi mes punonjësve i lihet shansit dhe afërsisë. Me anë të mjeteve teknologjike të tilla si Slack dhe Google Dosc punonjësit mund të komunikojnë dhe bashkëpunojnë mes tyre kudo që ndodhen, pa u penguar nga koha apo vendndodhja fizike.

Sipas McKinsey, teknikat bashkëpunuese në vendin e punës mund t’a rrisin produktivitetin nga 20 deri në 30%.

Përmirësimi i bilancit të punës dhe të jetës është i mundur

Menaxhimi mes punës dhe angazhimeve të tjera në jetën personale mund të jetë i vështirë. Kjo rezultoi edhe nga një studim që ka kryer Ernst & Young, ku rezultoi se 76% e të punësuarve kishin vështirësi në balancimin e punës, familjes dhe detyrimeve personale. Për të qenë më produktivë në punën e tyre kompanitë mund t’u japin hapsirë punonjësve t’i përcaktojnë vetë oraret e tyre.

Për shkak të teknologjisë, fleksibiliteti është i mundur, pa sakrifikuar vendin e punës ose kohezionin. Programe të tilla si; Slack apo Trelomake i ndihmon kompanitë të caktojnë detyra, ndërsa në workplace nga Facebook mund të komunikohet me atë të bisedave ose video calls.

Teknologjia rrit mbështetjen e diversitetit dhe përfshirjen

Todd L. Piittinsky, profesor i teknologjisë dhe shoqërisë në Stony Brook University, ka thenë  se “sa më shumë anëtarët e një organizate të kenë diversitet dhe të shohin përfitimet e investimit, aq më e sigurt dhe elastike do të jetë shoqëria”. Diversiteti dhe përfshirja krijojnë një mjedis pozitiv në punë, të gjithë anëtarët e kompanisë duhet të dëgjohen dhe të ndihen të përfshihen në mënyrë që të ketë më shumë produktivitet.

Ndërkohë, punëtorët shpesh frikësohen se për shkak të teknologjisë mund ta humbin punën e tyre, sepse avancimet e teknologjisë po ndryshojnë vendet e punës për të përmirësuar cilësinë e jetës.

Një punëdhënës mund të zgjedh t’i vendosë në dobi të punonjëve këto zhvillime, duke përmirësuar punën e tyre dhe si rezultat do të ketë me shumë kënaqësi të punonjësve, produktivitet dhe qëndrim në vendin e punës.

Besmira Koro

Entrepreneur

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0