A keni punuar ndonjëherë me një shef që thjesht s’doni të qëndroni më gjatë në të njëjtin ambient? Një shef që ju lë pa energji dhe vetëm mendimi për të gjetur një punë tjetër, ju bën të shpresoni që ai të largohet sa më shpejt? Ky është shefi që ne e quajmë “Red Flag”. Ata janë liderë që thithin energjinë nga ekipi dhe krijojnë pengesa që i çojnë në dështim. Nga ana tjetër, liderët “Frymëzues” janë ata që ju mbështesin dhe ju ndihmojnë të arrini potencialin tuaj më të madh.
Por si të dalloni një “Red Flag” para se të jeni shteruar dhe të dukeni të shkatërruar? Ja katër shenja paralajmëruese:
- Ata fshehin të metat dhe gabimet e tyre
Një “Red Flag” do të duket gjithmonë i paprekshëm dhe pa ndonjë “vështirësi” në punë. Ata do t’i mbulojnë dështimet dhe do të krijojnë një imazh të një lideri “të përsosur”, duke krijuar një distancë të madhe nga stafi. Kur shefi juaj duket i paprekshëm, do të keni frikë të tregoni ndonjë dobësi tuajën dhe të kërkoni mbështetje. - Ata nuk interesohen për jetën tuaj jashtë punës
Një “Red Flag” nuk dëshiron të dijë asgjë për jetën tuaj personale. Ata shohin çdo bisedë mbi marrëdhëniet tuaja si të parëndësishme. Si mund të mbështesni një lider që nuk e njeh si duhet atë që po kaloni jashtë punës, kur edhe përpjekjet tuaja në punë ndikohet nga këto gjëra? - Puna është gjithmonë në përparësi, pushimet janë një luks
Një “Red Flag” do të jetë gjithmonë në punë, madje edhe kur duhet të jetë pushim. Ata kurrë nuk ndalen dhe shpesh kërkojnë që të gjithë të ndjekin të njëjtin shembull, duke i bërë të ndjehen të detyruar që të jenë gjithmonë “online”. Kur shefi juaj nuk ka asnjë kufi mes punës dhe jetës personale, do të krijoni një kulturë të dëmshme që ndikon në shëndetin tuaj dhe motivimin në punë. - Ka vetëm një mënyrë për të bërë gjërat, mënyra e tij
Një “Red Flag’’ mendon se ka vetëm një rrugë për të arritur suksesin, atë që ai ka ndjekur. Ata nuk janë të hapur për ide të reja dhe nuk mund të duan të dëgjojnë sugjerimet tuaja. Ky mentalitet krijon një mjedis ku nuk ka hapësirë për inovacion dhe zhvillim personal.
Nëse shihni këto shenja, është koha për të menduar si të mbroheni dhe të krijoni mbështetje të jashtme. Dhe nëse jeni në një proces kërkimi pune, bëni pyetje të zgjuara për të kuptuar nëse shefi juaj mund të jetë një Red Flag.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
