3 Shenja që tregojnë se jeni personi toksik në vendin tuaj të punës. Ja si ta menaxhoni

3 Shenja që tregojnë se jeni personi toksik në vendin tuaj të punës. Ja si ta menaxhoni


Pothuajse çdo vend pune ka të paktën një punonjës toksik. Ai ndikon gjithmonë të largojë të tjerët nga vendi i punës dhe nga skuadra. Por, si do të ndiheshit nëse dikush ju thotë se ai person jeni ju? Janë disa hapa që ju ndihmojnë të merrni nën kontroll situatën, duke mos lejuar shkatërrimin e karrierës tuaj.

Më poshtë ju listojmë disa nga tiparet e zakonshme që kanë punonjës të tillë.

Bëjnë gjithçka për veten tuaj

Kjo është diçka për të cilën shumica e njerëzve janë fajtorë për të paktën një herë në jetën e tyre. Gjithkush kalon një periudhë kur ka nevojë për më shumë  vëmendje se zakonisht. Ndoshta po kaloni një periudhë të keqe në jetën tuaj, keni mësuar për sëmundjen e ndonjë anëtari të familjes, apo keni pasiguri në talentin tuaj.

Përtej gjithçkaje, të tilla situata ndikojnë negativisht në punën tuaj.  Prandaj më e mira është të dëgjoni më shumë e të flisni më pak. Nëse doni të bisedoni, mund të bëni pyetje. Përndryshe, praktikoni aftësitë tuaja të dëgjimit dhe jepini dikujt tjetër mundësinë të jetë në qendër të vëmendjes.

Lexo:https://businessmag.al/te-ardhurat-dhe-rritja-mund-ti-keni-te-dyja/

Ju thoni dhe bëni gjëra pasiv-agresive

Agresiviteti pasiv është një shembull klasik i sjelljes toksike në punë. Ju kaloni më shumë kohë në vendin e punës sesa kudo tjetër, përveç shtëpisë. Sjelljet pasiv-agresive siç janë komentet pas shpine, shpërfillja e një bashkëpunëtori ose përjashtimi me dashje i një personi, mund të dëmtojë mjedisin e punës. Nëse jeni agresiv-pasiv, është një sjellje kronike për ju. Mund të jetë e vështirë të bëheni të vetëdijshëm për këtë e rrjedhimisht keni vështirësi të ndryshoni.

Hapi i parë është të mësoni më shumë rreth këtij fakti. Agresiviteti pasiv mund të vijë si një mekanizëm përballues ose mbrojtës. Punonjësit toksikë, priren ta bëjnë këtë kur ndihen të kërcënuar, xhelozë ose të pasigurt. Nëse jeni ju, në vend të agresionit ndaj bashkëpunëtorëve, shkarkoji këto energji në një mënyrë më produktive. Për shembull, stërvitja fizike mund të nxjerrë zemërimin dhe ndjenjat e tjera negative. Angazhohuni më shumë në aktivitete fizike gjatë ditës, para se të punoni ose gjatë një pushimi dreke. Ju do të ktheheni për të punuar me më pak zemërim e tension.

Jeni xheloz për suksesin e të tjerëve

Le të zhytemi në xhelozi pak më shumë. Është një tipar i zakonshëm që mund të kthehet në sjellje toksike në punë. Kjo mund të ndodhë veçanërisht nëse jeni një prej punonjësve më brilantë. Nëse një bashkëpunëtor fillon të tërheqë vëmendjen, tendencat tuaja xheloze mund të shfaqen në mënyra që ju bëjnë të jeni toksikë në zyrë. Mund të shprehni xhelozinë edhe përmes sjelljeve pasive-agresive, përmes sarkazmave.

Në zemër të xhelozisë shtrihet pasiguria. Kuptoni se suksesi i kolegut tuaj në asnjë mënyrë nuk ul suksesin tuaj. Mos e krahasoni veten me të tjerët. Përqëndrohuni në synimet tuaja dhe do të ndiheni më të sigurt edhe kur dikush tjetër merr diçka që dëshironi.

Duke u fiksuar pas arritjeve të të tjerëve mund të shkëpusni vëmendjen nga sukseset tuaja dhe qëllimet e karrierës. Jini përkrahës të sinqertë të bashkëpunëtorëve tuaj. Mos kini inate. Merrni pjesë në suksesin e kolegut tuaj dhe shikojeni si një hap drejt qëllimeve më të mëdha të kompanisë. Kthjejeni energjinë tuaj të xhelozisë në diçka pozitive, duke sfiduar veten për të punuar më shumë.

Mos u shqetësoni nëse shenjat e një punonjësi toksik i shikoni edhe tek vetja. Gjithmonë ka kohë për të ndryshuar për mirë. Ju nuk duhet të jeni personi toksik në vendin tuaj të punës. Ju mund të lulëzoni dhe të lejoni të tjerët të lulëzojnë gjithashtu. Bëjeni vitin 2019 vitin tuaj për të ndryshuar sjelljet toksike dhe shihni ndryshimin që mund të keni në karrierën tuaj.

Inc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0