Të gjithë sipërmarrësit socialë, së pari janë sipërmarrës. Drejtimi i një biznesi fitimprurës do të thotë sigurimi i një modeli të qëndrueshëm dhe përshkallëzues i biznesit. Por, objektivi i një biznesi social janë: ndikimi dhe fitimi. Shembujt janë të plotë nëpër botë. E tillë është edhe kompania e Joyce Lim, Sprout Collection.
Ajo e themeloi pasi përpiqej të gjente rroba të përballueshme ekonomikisht gjatë shtatzënisë së saj. Lim thotë se kompania ka dy qëllime: të ndihmojë në reduktimin e kostove të veshjeve të shtatzanisë dhe të jetë më miqësore me mjedisin.
Përgjegjësia sociale e korporatave nënkupton që kompanitë dhurojnë në mënyrë strategjike një pjesë të fitimeve të tyre. Më poshtë keni tre shembuj se si sipërmarrësit socialë kanë ndikuar në modelin e tyre të biznesit.
Fuqizim i blerësve
Themeluesja Barb Stegemann drejton The 7 Virtues, një kompani parfumesh që blen të gjithë përbërësit nga fermerët në rajonet e konfliktit si Ruanda, Haiti dhe Afganistani. Ajo inkurajon të gjithë pronarët e bizneseve të vogla, që të rishikojnë zinxhirët e tyre të furnizimit dhe të marrin në konsideratë alternativa të efektshme. Pyesni veten: Çfarë inputesh përdorni dhe a mund të jenë më të përgjegjshëm? Nëse është kështu, ndërtoje në këtë mënyrë zinxhirin e vlerës. Mund të dëmtojë fitimet në fillim, por mund të krijojë ndikim social që tejkalon humbjen e perceptuar.
Lexo: 3 mënyra fantastike për të financuar biznesin tuaj, pa ndarë fitimet ose kapitalin
Vendosni një program “blej një dhuratë”
Toms Shoes është i famshëm për programin e dhurimit të këpucëve. Për çdo palë të shitur, Toms dhuron një palë këpucë për dikë që ka nevojë për to. Duke i lejuar konsumatorët të ndjehen mirë për blerjen e këpucëve, Toms krijoi një model të qëndrueshëm dhe mbi të gjitha një biznes të rëndësishëm. Njerëzit ndjehen më të ndërgjegjshëm për mënyrën si ata konsumojnë, duke zëvendësuar pendesën e blerësit me ndjenjat e kontributit dhe mirënjohjes.
Përqendrohuni në një model biznesi “me qira”, mos e blini
Produktet shpesh u mbijetojnë përdoruesve të tyre, kështu që zgjidhja më e mirë është që atë t’a marrësh me qira. Sa herë që duhet të paguani çmimin e plotë për diçka që përdorni vetëm me kohë të pjesshme, ekonomia na tregon se mund të jetë më mirë të marrësh me qira. Apo në rastet kur duhet të udhëtoni në një vend tjetër, zgjidhja më e mirë është të marrësh një makinë më qira, sesa t’a blesh atë.
Gjatë dekadës së fundit, ekonomia ka lëvizur nga pronësia e aseteve, në përdorim të përkohshëm të tyre. Nëse njerëzit dikur aspironin të mbajnë shtëpinë dhe makinën e tyre, gjithnjë e më shumë të rinj po zgjedhin të marrin me qira shtëpitë dhe të përdorin shërbimet e ndarjes së makinave si Uber dhe Lyft. Ky ndryshim ka sjellë shumë ndikime në ekonomi, në mjedis dhe në mënyrën se si po zhvillohet jeta. Kjo ka ndikuar edhe në modelet e biznesit. Modeli i biznesit me përgjegjësi sociale, synon të gjenerojë fitim për aksionarët, duke ofruar njëkohësisht vlerë për palët e interesuara, gratë që blejnë rrobat në rastin e Joyce Lim.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
