25 vjeçari me pasuri 4.3 miliardë USD - Business Magazine Albania

25 vjeçari me pasuri 4.3 miliardë USD

themeluesi

Markus Villig dëshironte të krijonte një kompani teknologjike që kur ishte i ri në moshën 12 vjeç.

Në moshën 19 vjeçare, Villig braktisi universitetin pas vetëm një semestri studime shkenca kompjuterike në Universitetin e Tartu, në Estoni, deri sa aplikacioni i tij për udhëtim, Taxify (tani i njohur si Bolt), filloi të ngrihej.

Gjashtë vjet më vonë, në moshën 25-vjeçar, ai është themeluesi më i ri i një kompanie miliarda dollarëshe në Evropë. Aplikacioni evropian rival i Uber është i disponueshëm në 100 qytete në 30 vende, me 25 milionë klientë që e përdorin atë dhe 500,000 shoferë.

Villig filloi biznesin me një hua prej 5,000 euro (5,565 dollarë) nga familja e tij për të ndërtuar një prototip të aplikacionit, verën pas mbarimit të shkollës së mesme, edhe pse këto para i ishin dedikuar atij për studime.

Ai u frymëzua nga Skype, i cili u themelua në vendin e tij të lindjes në Estoni në 2004, duke treguar se biznesi i teknologjisë “mund të fillohej nga kudo”.

“E kuptova që teknologjia është një nga ato industri ku mund të kesh fuqi të mëdha, me faktin që mund të arrish gjëra të mëdha me një ekip shumë të vogël,” i tha ai CNBC.

Edhe kur interesi për aplikacionin filloi të rritet, Villig tha se mbeti i disiplinuar me kostot e biznesit duke shmangur “punësimin e shumë njerëzve ose duke bërë fushata të shtrenjta marketingu”.

Në fakt, Villig doli vetë në rrugë në kryeqytetin e Estonisë ,Talin për të rekrutuar taksistë në ditët e para të biznesit.

“Në fund të fundit bëhet fjalë për të qenë jashtëzakonisht i përqëndruar te konsumatori dhe i kursyer”, tha ai.

“Kjo është një industri ku klientët me të vërtetë kujdesen nëse marrin vlera të mira dhe shërbim të mirë për paratë e tyre”, shton ai. “Pra, nëse ju mund t’u ofroni klientëve 20% çmime më të mira ose mund të siguroheni që shoferët marrin 20% më shumë në çdo udhëtim, atëherë kjo vërtet paguhet”.

Shoferët e Bolt mund të fitojnë mbi 10% më shumë mesatarisht në krahasim me platformat e tjera të udhëtimit, pasi u duhet 15% prej tyre për udhëtim, krahasuar me 25% që Uber merr për “partnerë” për çdo tarifë.

CNBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0