Gjatë këtij viti, të gjithë shqiptarë pritet të pajisen me nga një llogari bankare. Banka e Shqipërisë do të adoptojë Direktivën e Bashkimit Europian mbi llogaritë e pagesave. Sipas kësaj direktive, pritet që çdo person të ketë një llogari bazike pagese pa kosto ose me kosto simbolike, pavarësisht vendbanimit apo gjendjes së tij financiare. Përshtatja e kësaj direktive edhe në vendin tonë pritet të rrisë transparencën e tarifave për llogaritë dhe lehtësimin e kalimit të llogarisë nga një në një tjetër.
Krahas një shtrirje të gjerë të aksesit në sistemin financiar, ky hap pritet të rrisë transparencën dhe të ulë përdorimin e parasë kesh.
Në vendin tonë, vlerësimet tregojnë se ka një përdorim shumë të lartë të parasë kesh, pasi 96% e pagesave nga konsumatorët dhe bizneset shlyhen në para fizike. Sipas të dhënave të Bankës së Shqipërisë, më pak se gjysma e personave në moshë madhore, pra vetëm 40% kanë një llogari bankare.
Ky nivel i kufizuar lidhet drejtpërdrejt edhe me koston e lartë të pagesave dhe mirëmbajtjes së llogarisë. Sipas studimeve të Bankës së Shqipërisë dhe Bankës Botërore kostoja e kursimeve dhe pagesave me vlerë të vogël është rreth 300 milionë dollarë në vit, ose sa 2.5% e Prodhimit të Brendshëm Bruto.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
