Nga viti i ardhshëm pragu i biznesit të madh kalon nga 8 milionë lekë xhiro në vit në 14 milionë lëkë. Fakti u bë i ditur nga ministri i Financave gjatë një takimi me gazetarët, ndërsa ishte njoftuar disa ditë me parë nga kryeministri.
Rritja e pragut, prek gati 11 mijë sipërmarrje. Për to tatim fitimi zbret nga 15% në 5%.
Ministri bëri një bilanc të ecurisë aktuale të ekonomisë ku në thelb të tij do të jetë heqja e propozimeve të pakërkuara nga biznesi.
Ministri bëri dhe një prezantim të ecurisë së vendit, duke iu referuar shifrave zyrtare. Sipas tij numri I bizneseve është rritur me rreth 5 mijë vetëm këtë vit.
“Ekonomia shqiptare arriti rritjen më të madhe në 10 vjet, me 3.84% dhe pritet që të vazhdojnë me këto ritme”, sipas Ahmetajt. Kjo, sipas tij, erdhi nga investimet e brendshme, të huaja dhe përmirësimi i klimës së biznesit në vend. Papunësia në rajon është më e ulëta, ndërkohë që trendi është në rënie.
Ahmetaj tha se nga viti 2013 numri i të punësuarve është rritur me rreth 240 mijë, duke arritur në 560 mijë.
Për sa i përket forcimit të monedhës vendase ministri tha se, “qeveria nuk bën ndërhyrje në kursin e këmbimit. Kjo do të ishte një politikë e gabuar. Kostoja e kursit tek eksportuesit është e kufiyuar dhe luhatet në nivelet 2-3%.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
