Sipas të dhënave të Bankës së Shqipërisë, pagesat online përmes internetit arritën në 551 miliardë lekë vitin e kaluar. Krahasuar me një vit më parë, vlera e pagesave është rritur me 60%.
Kjo u shoqërua me rritjen e një numri transaksionesh online me 26%.
Banka e Shqipërisë tregon në raportin e saj se përdorimi i internet banking në 2017 ishte 54% më i lartë se një vit më parë. Rritje të këtyre përmasave lidhen me zhvillimin ende fillestar të këtij tregu dhe përmirësimit të infrastrukturës online nga bankat. Pjesa masive e këtyre llogarive u përkasin individëve (88% e totalit).
Sipas numrit të llogarive të lidhura me internetin, pagesat në distancë aktualisht i kryen 11% e popullsisë. Edhe kjo në rritje krahasuar me një vit më parë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
