Publikohet lista. Ja cilat janë degët më të preferuara nga maturantët shqiptarë.


Ministrja e Arsimit, Sportit dhe Rinisë, Lindita Nikolla ka publikuar një pjesë nga raporti mbi arsimin e lartë për këtë vit akademik. Aty janë të listuara programet e studimit, të cilat kanë qenë më të kërkuarat nga ana e maturantëve, gjatë dy raundeve të aplikimit.

Lista përmban 20 programe dhe kryesohet nga dega “Administrim-Biznes” me 8734 kërkesa, por nuk mbetet pas edhe “Drejtësia” me 8319 kërkesa apo dega “Punë Sociale” e cila ka marrë zhvillim vitet e fundit, me mbi 8000 aplikime.

Më poshtë në listë, ndodhen degët “Psikologji” me 7400 kërkesa dhe “Shkenca Politike” me 7200 aplikime në të dy raundet.

“Gjuha angleze“ renditet gjithashtu mes programeve më të preferuara me 6762 kërkesa, “Financa“ me 6310 kërkesa dhe disi më poshtë “Gazetaria“ me 5670 kërkesa.

Programet e tjera më të kërkuara sipas listës janë: Sociologji, Informatikë Ekonomike, Teknologji Informacioni dhe Komunikimi, Gjuhë-Letërsi, Informatikë, Inxhinieri Telekomunikacioni, Inxhiniere Informatike, Financë-Kontabilitet, Mjekësi e Përgjithshme dhe Stomatologji.

Ajo që vihet re në këtë listë është se degët që kanë të bëjnë me drejtësinë dhe ekonominë apo financën mbeten ende më të preferuarat për maturantët shqiptarë, të cilët preferojnë më pak degët e tjera të mjekësisë apo informatikës. Më konkretisht, 5 programe i përkasin fushës së ekonomisë dhe financave, 4 programe të informatikës dhe 7 programe klasifikohen brenda fushës sociale.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale