16 persona të prekur, shkon në 377 numri total i të infektuarve nga COVID-19

16 persona me Covid-19 u zbuluan në 24 orët e fundit, duke e çuar numrin total në 377 të infektuar.

61-vjeçari Skënder Kurti, ish-kampion i boksit, vdiq mbrëmjen e së dielës në Spitalin Infektiv duke e çuar në 21 totalin e viktimave në vendin tonë. Ai ishte shtruar në spital prej datës 17 mars dhe vuante nga hipertensioni.

Mes të prekurve të rinj, sërish 6 persona janë në Shkodër.

Në informimin e përditshëm, zv/ministrja e Shëndetësisë, Mira Rakacolli njoftoi se harta e të prekurve nga COVID-19 në 24 orë është zgjeruar në Tiranë, Durrës, Shkodër, Berat e Has.

Në total janë testuar 2396 raste, dhe janë konfirmuar 377 raste ku:

– 377 persona janë të prekur nga koronavirusi,
– 116 janë shëruar,
– 21 kanë vdekur,
– 66 persona janë të shtruar në spitalin Infektiv, 5 prej tyre janë në terapi intensive, 1 prej të cilëve në frymëmarrje të drejtuar,
– 7 persona janë të shtruar në Sanatorium, 1 prej të cilëve në gjendje të rënduar.

Në total në të dy spitalet janë 73 persona janë të shtruar.

Përhapja e koronavirusit deri më 6 prill është sipas këtyre qyteteve:

— Në Tiranë: 177 persona;

— Në Durrës: 38 persona;

— Në Fier: 26 persona;

— Në Lushnje: 5 persona;

— Në Elbasan: 10 persona;

— Në Rrogozhinë: 4 persona;

— Në Kavajë: 8 persona;

— Në Korçë: 16 persona;

— Në Vlorë: 5 persona;

— Në Shkodër: 44 persona;

— Në Lezhë: 14 persona;

— Në Has: 12 persona;

— Në Berat: 2 persona;

— Në Krujë: 5 persona;

— Në Tropojë: 4 persona;

— Në Pukë: 4 persona;

— Në Mirditë: 3 persona.

Lexoni: Pandemia nis të japë dëme në ekonomi