Pandemia nis të japë dëme në ekonomi


Ndërsa vijon të rritet bilanci i përditshëm i të sëmurëve dhe viktimave me Covid, bilancet e ekonomisë kanë nisur të japin sinjalet e para shqetësuese.

Javës së kaluar Bashkimi i Prodhuesve bëri publike të dhënat e një vrojtimi zhvilluar mes 90 sipërmarreve anëtare të saj. Nga kjo anketë, 70% e kompanive (të mesme e të mëdha) tregojnë se do të pushojnë punonjës nga puna. Dhe jo pak, por 50-90% të tyre. 10% e kompanive do të mbyllin tërësisht aktivitetin.

Lexo: Nisin pushimet nga puna. 70% e kompanive do të shkurtojnë vende pune sipas Bashkimit të Prodhuesve

Masat për lëvizje vijojnë të mbeten të shtrënguara dhe cilësohen si faktori kryesor i përmbajtjes së numrave të të sëmurëve të rinj dhe viktimave. Faktet treguan se vetëm dy grumbullime në funerale ndikuan në rritjen e infektimit. Ndërkohë, disa nga tregjet në kryeqytet vijojnë të sjellin pamje shqetësuese, sidomos të shtunave. Pikërisht nga kjo, kryeministri Rama paralajmëroi shtrëngim të masave, deri me burg për të pa bindurit.

Lexo: Rama: nuk ka gjoba, por heqje lirie për ata që thyejnë rregullat

Javës së kaluar ngjalli shumë debate edhe deklarata e kryeministrit për të mos paguar qeratë në këto muaj krize. Një deklaratë që brenda ditës u zbut prej tij, duke theksuar se qiramarrësit e pamundur kanë të drejtë të shtyjnë afatin e pagesës së qerasë.

Lexo: Edi Rama: Pagesat e qirave për muajt prill dhe maj do të shtyhen

Ministria e Financave nga ana e saj bëri të ditur nisjen e aplikimit të pagesës së papunësisë. Punonjësit dhe të vetëpunësuarit në sipërmarrjet e vogla, kanë nisur të aplikojnë për të marrë pagesën nga mbështetja shtetërore, ndërsa kryeministri Rama është shprehur se nga kjo mbështetje nuk përfitojnë punonjësit që ishin të pasiguruar. Madje ai ka ftuar punonjësit e pasiguruar të denoncojnë punëdhënësit.

Ndërkohë, në nivel ndërkombëtar, vijon politika e distancimit social, si forma më e mirë për të frenuar përhapjen e Covid. Në disa vende të Europës pandemia po shkon drejt pikut të saj, ndërsa Italia duket se po e lë pas, ndonëse me një dëm të madh në viktima.

Javës së kaluar u përforcua fakti se kjo krizë shëndetësore dhe sigurisht edhe ekonomike do të jetë relativisht e gjatë. Shkollat edhe mund të mos rihapen këtë vit, ndërsa njerëzit nuk do të mund të qarkullojnë të sigurt derisa të sigurohet vaksina kundër Covid.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale