Matea Gjika, 15 vjeç, e ftuar dje në panelin e emisionit Opinion për temën “Të arsimohesh jashtë Shqipërisë”, është bërë fituese e një olimpiade nga Cambridge Education Group Olympics.
Ekzistojnë vetëm pesë bursa të tilla në të gjithë botën, dhe ofrohen për ata nxënës që kanë aftësi të veçanta dhe shance të larta për t’u pranuar në dy univestitetet më prestigjoze në Angli, Oxford dhe Cambridge.
“Për të studiuar në këto shkolla, në të gjithë botën jepen vetëm 5 bursa të tilla, unë jam fituesja e njërës prej tyre. Në shtator unë do shkoj të filloj studimet”,- tha Gjika.
Matea, studente pranë World Academy of Tirana, ka kaluar me sukses të gjitha testimet dhe intervistat e bëra për njohuri të përgjithshme, dhe ka përfituar një bursë të plotë 2 vjeçare për të ndjekur studimet A level në Angli.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
