Gjigandi Apple ka nxjerrë së fundmi në treg versionin më të ri të telefonave, iPhone 12 Pro. Luksi i radhës përngjan me iPhone 4, por ka çelik pak më të shndritshëm, kamera të trefishtë në pjesën e pasme dhe ekran qeramike që e mbron nga dëmtimi. Adhuruesit e kësaj marke mezi e pritën daljen e këtij modeli, por a ja vlen të shpenzohet minimalisht 1,200 Euro për të?
LEXO: Apple shet 2 milionë iPhone 12 për 24 orë
Sipas ekspertëve, krahasuar me versionet e mëparshme, 12 Pro është 100% i riciklueshëm dhe bateria reziston më gjatë. Mund të karikohet deri në 50% për 25 minuta, pavarësisht se Apple ende nuk ka bërë me dije sa jetëgjatë është. Versioni i ri është rezistent ndaj ujit, deri në thellësinë e 6 metrave. Në varësi të memories së brendshme, çmimi shkon nga 1200 Euro për 128 Gb, në 1300 Euro për 256 Gb dhe 1400 Euro për 512 Gb.
Kamerat nga mbrapa kanë lente zmadhuese deri në 10-fish, cilësia e videos është Full HD. Tashmë mund të bësh foto portreti natën, dhe shpejtësia me të cilën punon telefoni është relativisht e mirë. Të gjitha këto janë në favor të çmimit, por iPhone 12 është një telefon i mbetur në mes të iPhone 12 Pro, që konsiderohet i mirë, dhe një versioni potencialisht akoma më të mirë si iPhone 12 Pro Max, që pritet të ketë kamera akoma më të fuqishme.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
