11 vjeçarja krijon ‘Barbie-n ballkanase’, tërheq vëmendjen me koleksionin folklorik të kukullës ikonë - Business Magazine Albania

11 vjeçarja krijon ‘Barbie-n ballkanase’, tërheq vëmendjen me koleksionin folklorik të kukullës ikonë

11 vjeçarja krijon ‘Barbie-n ballkanase’, tërheq vëmendjen me koleksionin folklorik të kukullës ikonë
~2 minuta lexim

Një vajzë boshnjake po bën kostume tradicionale ballkanike, shami koke dhe aksesorë dekorativë për kukullat Barbie. Duke shfrytëzuar jehonën e filmit “Barbie” që ka pushtuar kinematë botërore, 11 vjeçarja nga Bosnje-Hercegovina shpreson të tërheqë vëmendjen tek versioni folklorik i kukullës ikonë.

Esma Gljiva filloi projektin më shumë se një muaj më parë, pasi kishte parë figura të cilësisë së dobët në një dyqan. “Këto ishin disa kukulla të veshura me kostume folklorike, nuk i ngjanin aspak të vërtetave, nuk ishin fare të veshura siç duhet,” tha Esma për Reuters duke treguar kukulla të reja nga koleksioni i saj.

Lexo edhe:“Barbie” bën histori, arkëton 1 miliard dollarë

Esma nuk e ka parë ende filmin Barbie, por miqtë dhe familja e saj thonë se ajo mishëron frymën e pavarësisë dhe sipërmarrjes femërore që dominon filmin. E rritur në një familje kërcimtarësh të folklorit, Esma ka mësuar shumë për traditat multifetare të Bosnjës dhe është vetë anëtare e një grupi folklorik vendas.

Ajo thotë se do t’i emërtonte kukullat e saj “kukullat Barbie boshnjake” dhe po planifikon kostume për një Ken folklorik boshnjak. Esma merr porosi për kukullat e saj çdo ditë dhe i ka dërguar në Bullgari, Çeki, Turkmenistan, Norvegji, Britani dhe shumë vende të tjera.

Reuters

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0