105 vjet nga krijimi i Bankës Kombëtare të Shqipërisë - Business Magazine Albania

105 vjet nga krijimi i Bankës Kombëtare të Shqipërisë

~4 minuta lexim


Banka e Shqipërisë ka kujtuar në faqen e saj zyrtare në Facebook se shënon 105 vjetorin e krijimit të saj. Në këtë artikull ne po ju njohim me historinë e krijimit të Bankës Kombëtare të Shqipërisë.

Si sot, 105 vite më parë, më 4 Tetor 1913, Ismail Qemal bej Vlora së bashku me 5 ministra të kabinetit të tij: Luigj Gurakuqi, Petro Poga, Mehmet pashë Dërralla, Myfid bej Libohova dhe Jorgji Cakra, nënshkruan konçesionin e parë për krijimin e një banke kombëtare shqiptare. Nënshkrues të tjerë ishin përfaqësuesit e dy prej grupeve financiare më në zë të kohës, përkatësisht Karol Pitner dhe Oskar Pollak të atij austro-hungarez, Weiner Bank-Verein, dhe Pietro Fenolio e Guido Ansbaher të grupit italian, Banca Commerciale Italiana.

Në Shqipërinë e trazuar të atij fillimshekulli, por edhe për shkak të tronditjeve që do të vinin shumë shpejt me shpërthimin e Luftërave Ballkanike dhe Luftës I Botërore, Banka Kombëtare Shqiptare nuk mundi të zhvillojë aktivitet. Por, hartimi i këtij konçesioni për krijimin e “Bankës Kombëtare të Shqypërisë” mbetet një dokument i rëndësishëm në historinë e bankingut qendror shqiptar, një gur themeli i këtij institucioni që, në konceptin e vet paraqitës, i përmbahet të gjitha standardeve europiane të kohës.

Jo më kot, themeluesi i shtetit modern shqiptar, Ismail Qemali, më 28 Nëntor 1913 tha:

…..Këtë n’a e donte shpirti, po nuk kuxonim ta prisnim të baneshe kaq shpejt nga shkaku që punërat e Shqipëries, ndo nga kufinjt, ndo nga organizim’ i vendit që kemi, nuk kanë marrë funt. Kur dyë banka të mëdha, si Weiner Bank-Verein e Austrisë dhe Banca Commerciale Italiana e Italisë, duke pasur pas krahut banka të tjera me një kapital 750,000,000 frangash erdhën ndër neë për t’a dëftyer besimin e ‘tyre e të vënë në përdorim të qeverriës edhe popullit shqipëtar 11,000.000 franga, nuk kishim veç se t’i përgjigjemi me gëzim të math kësaj mirësiës. Pas shumë marrëveshjeve dhe passi u- këmbyen shumë mendime, kabineti e pranoi projektin e fundit, i cili u- nënshkrua.
E themi me lavdurim se puna e bankës, për Shqipërriën asht nji i dyti fitim pasë lirisë nga pikëpamja ekonomike dhe politike. …” Ismail Qemal bej Vlora, 28 nëntor 1913.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0