1000 euro bonus për mjekët, infermierët dhe vullnetarët

 Kryeministri Rama, dha lajmin e mirë se 1000 mjekë e infermierë deri tani i janë bashkuar thirrjes së ministres së Shëndetësisë dhe rektorit të Mjekësisë për t’u regjistruar si vullnetarë për përballimin e kësaj situate të vështirë. Ai shpreh mirënjohjen ndaj tyre, për këtë akt humanizimi dhe patriotizmi.

“Mbi 1000 mjekë e infermierë i janë përgjigjur deri tani thirrjes për t’u regjistruar si vullnetarë, të gatshëm për orët më të vështira në vijën e zjarrit. Mirënjohje për këtë gjest prekës humanizmi e patriotizmi në këtë moment kaq përcaktues për shëndetin e popullit shqiptar”, deklaroi Rama, në daljen e rradhës në Facebook.

Lexoni: Gjermania e gatshme të mbështesë plotësisht sipërmarrjet e saj në këtë pandemi. Vë 550 miliardë euro në dispozicion

Kreu i qeverisë, përsëriti se mjekët dhe infermierët në fund të muajit mars do të marrin pagën bashkë me një bonus prej 1000 eurosh. Këtë bonus do ta fitojnë edhe të gjithë vullnetarët që iu përgjigjën thirrjes për ndihmë.

“Nesër administrata është pushim. Sidoqoftë, do të ishte pushim ngaqë edhe Dita e Verës ra të shtunën. Burgosja vazhdon dhe për ata, që nuk janë pjesë e shërbimeve dhe detyrave esenciale. Paga e marsit do të ketë një bonus 1000 euro për mjekët dhe infermirët, i cili do të vazhdojë deri në përfundimin e situatës. Ky bonus do t’iu jepet dhe vullnetarëve. Java që vjen do të vijë me numra të ngritur dhe ne duhet të jemi të përgatitur”, u shpreh Edi Rama.