Gjermania e gatshme të mbështesë plotësisht sipërmarrjet e saj në këtë pandemi. Vë 550 miliardë euro në dispozicion


Gjermania është angazhuar të financojë gjithçka që nevojitet për të mbrojtur ekonominë e saj, ndërsa Komisioni Evropian tha se është gati të ndezë dritën jeshile për politika fiskale stimuluese për vendet e euros. Politikëbërësit po synojnë të qetësojnë tregjet me një përgjigje vendimtare ndaj koronavirusit.

KfW, banka shtetërore gjermane, mund të financojë kompanitë deri në 550 miliardë euro (610 miliardë dollarë) për të siguruar që ato të mbijetojnë nga pandemia dhe të mbrojnë punëtorët e tyre nga ndikimi, tha Ministri gjerman i Ekonomisë Peter Altmaier në një konferencë në Berlin. Përkrah tij, ministri i Financave Olaf Scholz, tha se Gjermania është e gatshme të marrë borxh shtesë dhe do të marrë në konsideratë stimulimin e plotë fiskal nëse situata përkeqësohet. Zvicra premtoi 10 miliardë franga zvicerane (10.5 miliardë dollarë) ndihmë për kompanitë e saj. Aksionet evropiane u rritën.

Kancelarja Angela Merkel tha të Premten se masat tregojnë se “ne jemi të gatshëm të bëjmë gjithçka që është e nevojshme, të bëjmë gjithçka që duhet në mënyrë që Gjermania të mund ta kapërcejmë këtë krizë sa më mirë të jetë e mundur”.

Qeveritë e BE-së ishin në udhëkryq të Premten pas një jave kaotike, kur Presidentja e Bankës Qendrore Evropiane Christine Lagarde në fjalën e saj nuk dha një mbështetje të dukshme për Italinë, duke pranuar rrezikun në tregjet financiare që mund të jepte epidemia që po dilte jashtë kontrollit.

Komisioni Europian parashikon se ekonomia e BE-së do të tkurret me 1% këtë vit, ku Italia është vendi më i goditur.

Programi zviceran i mbështetjes ka në fokus bizneset e vogla dhe punonjësit freelance, të cilët janë goditur më shumë nga kufizimet e qeverisë. “Atyre u themi se ne nuk po ju braktisim”, tha Presidenti Simonetta Sommaruga.

Lagarde, e cila ftoi politikanët të veprojnë, shkaktoi një rënie të theksuar të bursave të Entjen pas deklaratës së saj se BQE nuk ishte e gatshme të shpëtonte tregjet. Një ditë më vonë, kolegët e saj në BQE theksuan se banka qendrore ka ende shumë instrumenta për të përdorur dhe është e gatshme t’i përdorë ato.

Anëtari i Këshillit Drejtues, Ignazio Visco tha për Bloomberg se zyrtarët janë të përgatitur të blejnë bonot e vendeve më të goditura – siç është ai i tregut italian. Kjo do ta bënte huamarrjen më të përballueshme për kompanitë, individët dhe qeverinë në Itali.

Pionline

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale