Një ishull në Itali është shitur për 10 milionë euro. Në brigjet e rajonit të Ligurias, ishulli Gallinara, tashmë është në pronësi të një miliarderi ukrainas, 42-vjeçarit Olexandr Boguslayev.
Prej shumë shekujsh ishulli që ka formën e një breshke i përkiste Kishës Katolike, ndërsa vitet e fundit ka qenë në bashkëpronësi të 9 familjeve italiane të pasura dhe ndërtesat që ndodhen aty i janë shitur gjithashtu, me vlerë disa milionë euro të tjera, të njëjtit blerës. Në mesjetë, ishulli shërbente si strehë për shenjtorët dhe papat.
Lexoni: 10 vjeçari humbi në det, mbijeton falë këshillave të një dokumentari
Gallinara, që emrin e ka marrë pikërisht se në të kaluarën ishte djep i pulave të egra, edhe sot është një zonë e mbrojtur natyrore. Ndodhet vetëm 1.5 km larg bregut të Albengës, është i gjatë 470 m dhe me gjerësi 450m. Është i ndaluar për turistët, pikërisht për statusin e tij të mbrojtur.
Ka një mjedis natyror të paprekur, por edhe vlera të jashtëzakonshme historike dhe kulturore. Në të është i ndaluar ndërtimi dhe përveç ndërtesave shekullore, nuk mund të ketë asgjë tjetër.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
