Më shumë se një në katër finlandezë, (prej5.5 milionë banorëve) kanë shkarkuar aplikacionin për gjurmimin e personave të infektuar me COVID-19.
Aplikacioni u shkarkua 1,5 milionë herë brenda 4 ditëve të para, tha drejtori i Institutit finlandez të Shëndetit Publik, Mika Salminen, për Euroaktiv. Finlandezët renditen të parët në Evropë për shkarkimin e një aplikacioni të tillë.
Aplikacioni bazohet në teknologjinë e Bluetooth, nuk tregon identitetin e përdoruesve apo të autoriteteve, por ndihmon në gjurmimin e kontakteve të panjohura që kanë qëndruar mjaftueshëm afër një personi të infektuar me COVID-19.
Lexoni: Kompania boshnjake shkrin Ford dhe Tesla në një makinë të vetme
Aplikacioni, i quajtur “Corona Blinker”u prodhua nga një kompani finlandeze e programeve kompjuterike, Solita. Kompania tha se brenda 24 orëve të para, aplikacioni u shkarkua nga 1 milionë banorë, një objektiv që ishte vendosur për tërë shtatorin.
“Synimi ynë i ri është të bëhemi aplikacioni më i popullarizuar në Finlandë,” tha drejtori i Solita-s Risto Kaikkonen, në një deklaratë.
Niveli i përhapjes së virusit në Finlandë është nga më të ultit në Evropë. Në total ka mbi 8 000 të infektuar dhe 335 të vdekur, që prej fillimit të pandemisë.
Norma e infektimit është 7 të infektuar për 100 mijë banorë. Normën më të ulët e ka Letonia me 4.2 të infektuar për 100 mijë banorë, sipas të dhënave të Qendrës evropiane për Parandalimin dhe Kontrollin e Sëmundjeve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English