Biznesmeni i shquar amerikan Thomas J. Walter, themelues dhe udhëheqës i “Tasty Catering”, ishte pjesë e #UniversumTalks dje më datë 30 Mars, përmes një Skype konference. Ai ndau me studentët dhe të ftuarit pjesëmarrës përvojën e tij në transformimin e kompanisë Tasty Catering dhe u pergjigj dhjetra pyetjeve nga pjesëmarrësit. Z. Walter shpjegoi se si pas transformimit nga stili menaxherial i udhëheqjes në stilin e liderit dhe përfshirjës më të madhe të punëtorve në vendimarrje, kompania e tij pat rritje të hatashme në të gjitha aspektet.
Thomas J. Walter theksoi se ai përpiqet të promovojë në kompaninë e tij ndërrmarrësinë, pozitivitetin dhe dashurinë mes të gjithëve që secili ta ndiejë kompaninë si të veten. Promovimi i vlerave të sipërmarrjes nga Thomas në kompaninë e tij ka rezultuar në themelimin e 7 ndërrmarrjeve nga punëtorët e “Tasty Catering”. Z. Walter e cilësoi të rëndësisë së veçantë nevojën e fokusimit në ndërrmarrësi, në vend se të orientohen kah punët klasike të zyrës, si ato në institucione shtetërore. Këto ndryshime në kompaninë e tij kanë ngritur organizatën në njerën nga më të vlerësuarat, me mbi 40 çmime për kulturën organizative.
Në fund, ndërrmarrësi amerikan duke motivuar pjesëmarrësit që të nisen në rrugen e sipërmarrjes, i ftoi ata që ti shkruajnë për të kërkuar ndihmë me këshilla dhe njohuri në nisjen dhe zgjerimin e bizneseve të reja.
Universum është renditur në Top 1000 Shkollat më të mira të biznesit në Botë nga Eduniversal, si i vetmi institucion nga Kosova | Universum is ranked in the Eduniversal Top 1000 Business Schools in the World as the only Business School from Kosovo.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
